Lucas 24:32 - Qullan Arunaca

Ucat jupanaccama sasipjje: —¿Janit khanpacha chuymanacasajj nacquistänjja thac jiwasamp chic jutascäna, uqhamarac Kellkatanacat amuyt'ayasquistäna ucqhajja? —sasa.

Aymar Bibliia 1986

Ucat jupanaccama sasipjje: —¿Janit khanpacha chuymanacasajj nacquistänjja thac jiwasamp chic jutascäna, uqhamarac Kellkatanacat amuyt'ayasquistäna ucqhajja?—sasa.

Qullan Arunaka DC

Jupanakasti purapat sasipxäna: —¿Janit chuymanakasax ninjam aqkänsti qillqatanakat thakhin qhanañchkistän ukkhasti? —sasa.

Lucas 24:32 Jak'a apnaqawi uñst'ayäwi

Salmos 104:34

k'ochojjajj Tatitun chuymapar purquirïpan, nayasti jupanacpun cusisiñ jicjjatä.

Salmos 39:3

chuymajjajj ninjamaw naqhäna, ucjjat lup'isasti juc'amp naqhantitu, uqhäm uñjasisaw jach'at jupar art'asta:

Proverbios 27:17

Cunjämatejj hierrojja yakha hierrompi lek'jasa ariptayatajja, uqhamaraquiw jakejj jake masipampi suma amuyt'ayataraqui.

Proverbios 27:9

K'apquir perfumenacajja jaken chuymaparuw cusisiyi; ewjja arunacasti jaken jacäwiparuw cusisiyi.

Isaías 50:4

Tatitojj yatichituwa karitanacaru suma arunacampi chuymachañajjataqui. Sapa khantatiw nayarojj sum kont'ayitu, uqhamat suma ist'añajjataqui.

Jeremías 15:16

Cunapachatejj jumajj nayaru parljjayista ucapachajja, arunacamjja nayajj mank'jamwa mank'ayäta; uca arunacamaw chuymajjarojj cusisiyaraquïnjja, nayasti jumancaracstjjaya, take ch'amani Dios Tatitu.

Jeremías 20:9

Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Marcos 4:34

Janiw cuns uqhamaqui parlcänti, jan ucasti uñtasïwinac tokew parläna, ucampis discipulonacaparojj take ucanacatjja sumpun khanañchäna.

Lucas 24:45

Ucapachaw Kellkatanacatjj jupanacarojj amuyt'ayäna.

Juan 6:63

Ajayuw jacañ churi, janchejj janiw cunataquis asquïquiti. Cunanactï nayajj jumanacar parlapcsma ucajja chekpach ajayun jacañ churir arunacawa.

Hechos 28:23

Uqham sasinsti mä urutaquiw tantacht'asiñjja amtapjjäna. Ucürusti walja jakenacaraquiw jutapjjäna, cawqhantejj Pablojj korpachascäns uca utaru. Alwat jayp'ucamaraquiw jupajj Diosan reinopat jupanacarojj parläna. Moisesan leyinacap toketa, uqhamarac profetanacan kellkatanacapampita Jesusjjat amuyt'ayañ munäna.

Hebreos 4:12

Diosan arupasti jacasquiwa, jach'a ch'amaniraquiwa. Purapar arini espadat sipansa juc'ampi ariraqui, ucasti almampir ajayumpirojj juc'amp mankhacamaw puri, lup'ïwinacsa, chuyman amtäwinacapsa khanstayaraquiwa.