Lucas 22:35 - Qullan Arunaca

Ucat Jesusajj jisct'äna: —Cunapachatï qhitapcsma jan bolsani, jan kollkeni, ni wisqhunsa, ucqhajja ¿cunas jan utjapcayätamjja? —sasa. Jupanacasti sapjjänwa: —Janiw cunasa —sasa.

Aymar Bibliia 1986

Ucat Jesusajj jisct'äna: —Cunapachatï qhitapcsma jan bolsani, jan kollkeni, ni wisqhunsa, ucqhajja ¿cunas jan utjapcayätamjja? —sasa. Jupanacasti sapjjänwa: —Janiw cunasa —sasa.

Qullan Arunaka DC

Ukat Jesusax jiskt'äna: —Kunapachatix jan wayaqani, jan qullqini, jan wiskhuni khithapkäyäsma ukkhax ¿kunarak pist'apxäyätamsti? —sasa. Jupanakasti sapxänwa: —Janiw kunasa —sasa.

Lucas 22:35 Jak'a apnaqawi uñst'ayäwi

Génesis 48:15

Ucat Josearojj aca arunacampiw bendiciraquïna: “Cawquïri Diosarutejj, Abraham, uqhamarac Isaac awquejjajj ist'apcäna, cawquïri Diosatejj nacïwejja urutpach imquitu,

1 Reyes 11:22

Faraonasti ucjjarojj sänwa: —¿Cunataquis orakemar cutt'añ munta? ¿Cunach jan utjtamjja naya nayrakatanjja? —sasa. Ucampis Hadad chachajj sänwa: —Janiwa cunasa, utjasquituwa, ucampis achict'assmawa orakejjar cutt'jjañajjataqui —sasa.

Salmos 23:1

Tatituw awatirejjajja, janiw cunats t'akhescäti:

Salmos 37:3

Tatiturojj take chuymamp alcatam, asc luraraquim, oraken jacasim, chekaparac jacam;

Lucas 10:4

Jan apapjjamti bolssa, kollksa ni wisqhsa; thaquinsti janirac qhitirus tiempo apakasiñcama aruntapjjamti.

Lucas 22:34

Jesusajj juparojj sänwa: —Pedro, sismawa, jichhürpachaw janïra wallpajj art'quipan jumajj quimsa cuti nayar jan uñt'iri tucüta —sasa.

Lucas 22:36

Ucatwa Jesusajj saraquïna: —Jichhasti bolsanejja, bolsap apasiscacpan, uqhamarac kollke imasiñapsa; uqhamarac qhititejj jan espadanïchi ucajj sacop aljasisin alaspan.

Lucas 9:3

Jupasti saraquïnwa: —Jan cuns thaquitaquejj apapjjamti, ni thujrsa, ni bolssa, ni t'ant'sa, ni kollksa. Mä camisac ekasipjjam, jan payjja.

2 Corintios 8:15

Cunjämtejj Diosan Arupajj sejja: “Qhitintejj walja utjcän ucanjja, janiw jilt'cjjeti, qhitintejj juc'aquïcaraquïnjja ucansa janiraquiw pist'quiti” sasa.

Deuteronomio 8:16

Ucatsti wasaranjja maná sat mank'a mank'ayapjjtam, cawquïri mank'tï jumanacan awquinacamajj jan uñt'apcäna, jupanacan llamp'u chuymanïñ yatekapjjañapataqui, uqhamwa ucanacajj jumanacan asquimataquiraquïnjja.