Lucas 2:20 - Qullan Arunaca

Awatirinacasti, take cuntï ist'apcatayna uqhamarac uñjapcataynas ucanacat Diosar jach'achasa, uqhamarac jupar yupaychasaw cuttjjapjjäna, cunjämtï jupanacar satäcän uqhamarjama phokhasitap laycu.

Aymar Bibliia 1986

Awatirinacasti, take cuntï ist'apcatayna uqhamarac uñjapcataynas ucanacat Diosar jach'achasa, uqhamarac jupar yupaychasaw cuttjjapjjäna, cunjämtï jupanacar satäcän uqhamarjama phokhasitap laycu.

Qullan Arunaka DC

Awatirinakasti, taqi kuntix ist'apkatayna, uñjapkarakitayna ukanakat Diosar jach'añchasa, jupar yupaychasaw kuttxapxäna, kunjämtix jupanakar satäkän ukhamarjam phuqhasitap layku.

Lucas 2:20 Jak'a apnaqawi uñst'ayäwi

Salmos 106:48

Israelan Tatit Diosapajj jach'añchatäpan, wiñayat wiñaycama. Takpach marcajj sispan: “¡Uqhamäpan!” sasa. ¡Tatitojj jach'añchatäpan!

Salmos 107:15

Tatiturojj qhuyapayasiñapat yuspagarapjjam, jakenacatac muspharcañanac luratapata.

Salmos 107:21

Tatiturojj qhuyapayasiñapat yuspagarapjjam, jakenacatac muspharcañanac luratapata.

Salmos 107:8

Tatiturojj qhuyapayasiñapat yuspagarapjjam, jakenacatac muspharcañanac luratapata.

Isaías 29:19

Llamp'u chuymani jakenacasti Tatitunwa cusisipjjani, juc'ampi pobrenacasti cusisipjjaraquiniwa, Israelan kollan Diosapana.

Mateo 9:8

Cunapachatejj jakenacajj uc uñjapcän ucqhajja wali ajjsarapjjäna, Diosarusti yupaychapjjaraquïnwa, uqham jakenacaru ch'ama churatapata.

Marcos 1:7

Jakenacarusti parlänwa: “Nayan khepajjata mayniw jutasqui, jupasti nayat juc'amp ch'amaniwa, nayasti janiraquiw asquïcti jupan wisqhu t'isnup jararañataquisa.

Lucas 18:43

Ucspachaw juyqhojj uñatatjjäna, ucatsti Diosar yupaychasaw Jesusar arcäna. Takeniraquiw uc uñjasin Diosar yupaychapjjäna.

Hechos 11:18

Ucanac ist'asinsti Jerusalenanquir jilatanacajj amuct'apjjewa. Diosarusti aqham sasaw yupaychapjjaraquïna: —Uqhamajj jan judiöpquis uca jakenacarojj Diosajj arrepientisiñjj churaraquiwa wiñay jacañanïpjjañapataqui —sasa.