Lucas 19:22 - Qullan Arunaca

Ucat reyejj jupar saraqui: ‘Jan wali sirviri, quicpa arunacamampiw juchañssma. Jumatï yatchïyätajja nayan khoru jakëtajja, jan uchcta ucqhat apthapirïtajjsa, uqhamarac cawqharutï jan yapuchctsa ucqhat yapu apthapirïtajjsa.

Aymar Bibliia 1986

Ucat reyejj jupar saraqui: “Jan wali sirviri, quicpa arunacamampiw juchañssma. Jumatï yatchïyätajja nayan khoru jakëtajja, jan uchcta ucqhat apthapirïtajjsa, uqhamarac cawqharutï jan yapuchctsa ucqhat yapu apthapirïtajjsa.

Qullan Arunaka DC

Ukat reyix jupar säna: ‘Jumax jan wali irnaqir uywatätawa, kipka arunakamampiw juchañchsma. Jumatix yatchïyäta nayan qhuru jaqïtaxa, jan uchkta ukkhat apsurïtaxa, kawkharutix jan yapuchkta ukkhat apthapirïtaxa,

Lucas 19:22 Jak'a apnaqawi uñst'ayäwi

2 Samuel 1:16

Davidasti ucatjja saraquïnwa: —Jumapachaw jiwatamat juchanïsctajja, jumapacharaquiw juchamsa arsusiscaractajja, Tatitun ajllit reyiparu jiwayatamjja —sasa.

Mateo 12:37

Jumasti arsutamarjamaw uñjatäyäta juchanïtamsa, jan juchanïtamsa.”

Mateo 22:12

Juparusti saraquiwa: ‘Amigo, ¿cunjämatsa jumajj jan casarasïwi isimpi ist'ata aca casarasïwirojj mantanta?’ sasa. Jupasti amuquiw ist'äna.

Lucas 19:21

Ajjsaräyäsmawa, khoru jakëtam laycu; jan uchctas ucqhat apthapirïtawa, uqhamarac jan satctas ucqhat yapu apthapirïtawa’ sasa.

Lucas 19:23

Uqhamasti, ¿cunatrac kollkejjsti jan bancoru jaytarapistasti? Utajjar cuttanjjasajj jiljjatatampi nayajj catokasjjeriscäyätjja’ sasa.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.