Jiqhanejj churta nayar jawk'añapataqui, sunqhanacajjsa jiq'irayasiractwa. Qhitinacatejj nayar jisc'achapjjetäna, uqhamaraqui thuscatapjjetäna ucanacatsa janiw maysaru uñtcaractti.
Lucas 18:32 - Qullan Arunaca Jan judiöpquis ucanacaruw catuyatänejja, larusipjjaniwa, jan walinac lurapjjani, thuscatapjjaraquiniwa. Aymar Bibliia 1986 Jan judiöpquis ucanacaruw catuyatänejja, larusipjjaniwa, jan walinac lurapjjani, thuscatapjjaraquiniwa. Qullan Arunaka DC Romanonakaruw katuyatäni, jupatsti larusipxaniwa, jan walinak lurapxani, thuskatapxarakiniwa. |
Jiqhanejj churta nayar jawk'añapataqui, sunqhanacajjsa jiq'irayasiractwa. Qhitinacatejj nayar jisc'achapjjetäna, uqhamaraqui thuscatapjjetäna ucanacatsa janiw maysaru uñtcaractti.
Cunjämtejj yakhanacajj jupat muspharapcäna k'ala tucjata jan uñnakani, jan jaker uñtasita tucjata uñjasajja,
jakenacajj juparojj jisc'achapjjänwa, apanucupjjaraquïnwa. T'akhesiñan phokt'at jakënwa, t'akhesiris yatitaraqui. Jupajj janis qhitimpi uñjatäñapas waquiscaspa uqham jisc'achatänwa, uqhamäquipansa uñisnuctanwa, apanucuractanwa.
“Ucampis jichhajj Jerusalén marca, waquicht'asim sayt'asiñamataqui, uñisirinacamampi muyuntataraquïtawa, Israelan jilïriparusti walwa mutuyapjjaraquini.
Ucapachatpachwa Jesusajj discipulonacaparojj khanañchañ kalltäna jupan jiwäwipjjata. Saraquïnwa: —Jerusalenar sarañajjaw wact'itu, ucansti chuymani jilïrinacajj, uqhamarac sacerdotenacan jilïrinacapampi, ley yatichirinacampejj wal t'akhesiyapjjetani. Ucatsti jiwayapjjaraquitaniwa, ucampis quimsüru jiwatatsti jactawayjjäwa —sasa.
Yakha toke jakenacaruraquiw catuyapjjani ucat jupanacan larusiñapataqui, nuwjapjjañapataqui ucat ch'accatapjjañapataqui, ucampis quimsüru jiwatatjja jactanjjaniwa.”
Ucapachaw jupanacajj ajanupar thuscatapjjäna, t'ajjllinokapjjaraquïna, mayninacasti ajanut nuwanokapjjäna.
Ucatsti yakhep jakenacajj Jesusar thuscatañ kalltapjjäna, nayrap imantasin ch'acunokapjjaraquïna: —Sapjjeta, ¿qhitis ch'actam? —sasa. Soldadonacasti Jesusarojj t'ajjllinokapjjaraquïnwa.
Willjtanipansti niyaw parlthapipjjäna jilïr sacerdotenacampi, jilïr chuyman jakenacampi, ley yatichirinacampi, jach'a jilïr Tantachasïwimppacha. Ucatsti Jesusar ñach'antat irpasinjja, Pilatoruw catuyapjjäna.
Jawk'jasinsti jiwayapjjaniwa, ucampis quimsürutjja jacatataniwa jiwatanac taypita —sasa.
Ucapachasti Herodesampi, soldadonacapampejj wal jisc'achapjjäna, ucatsti p'enkachañat juparojj suma isinacampiw ist'ayapjje mä reyirjama. Ucat Herodesajj wasitat Pilaton ucar qhiti.
Ucanjja jakejj uñch'uquisipcänwa, uqhamaraquiw autoridadanacas jupatjja larusipjjäna: —Yakhanacarojj khespiyiwa; jichhajj jupa pachpa khespiyaspan, chekpachatï Diosan ajllit Cristöchi ucajja —sasa.
Jesusajj uqham sipanjja, templonquiri mä uñjiriw ucancascäna, ucasti ajanut ch'acunti: —¿Uqhamti ayncatta sacerdotenacan jilïriparu? —sasa.
Ucatsti Jesusarojj irpapjjänwa Caifasan utapat marca apnakerin palacioparu. Ucqhasti niya willjtanjjänwa, judionacasti janiw palacior mantapcänti jan k'añuchasiñataqui, mantapjjasapän ucajja janiw Pascua mank'aña mank'apcasapänti.
Jupanacasti sapjjaraquïnwa: —Janitejj jach'a juchanïcaspa ucajja, janiw juman ucarojja irpanipquiristti —sasa.
Pilatosti ucjjarojj saraquïnwa: —¿Nayajj judiötti? Marca masinacamampi, uqhamarac sacerdotenacan jilïrinacapampiw, jumjj catuyapjjetu. ¿Cuns lurta? —sasa.
Ucampisa, cunapachatï Jesusajj jumanacar catuyatäcän ucqhajja, phokhasiscänwa cunjämtï Diosajj nayratpach amtcatayna uqhamarjama. Jumanacasti jucharar jakenacan amparanacap tokew catuntapjjtajja. Ucatsti jiwayapjjaractawa, mä cruzar ch'accatasina.
Jan ucasti, Abraham, Isaac, Jacob nayra awquinacasan Diosapaw Jesús Yokaparojj jach'ar apti. Uca Jesusarojj jumanacaw jilïrinacar catuyapjjtajja. Cunapachatï Pilatojj: ‘Antutjjä’ sisquipansa, jumanacajj janiw munapctati.