Ankan negociomäqui ucjja tucuyam, pampan lurañanacamäqui ucjja luram, ucatwa utama lurasismajja.
Lucas 14:28 - Qullan Arunaca Maynitejj jumanacat mä torre lurañ munaspajja, ¿janit nayrakatajj kont'asisin kawkhas kollkejj tucuyañataquejj munasispa ucjj amuyt'ascaspajja? Aymar Bibliia 1986 Maynitejj jumanacat mä torre lurañ munaspajja, ¿janit nayrakatajj kont'asisin kawkhas kollkejj tucuyañataquejj munasispa ucjj amuyt'ascaspajja? Qullan Arunaka DC Jumanakat maynitix mä torre lurañ munaspaxa, ¿janit nayraqatax qunt'asisin qawqha qullqitix tukuyañatak munaskaspa uk amuyt'askaspaxa? |
Ankan negociomäqui ucjja tucuyam, pampan lurañanacamäqui ucjja luram, ucatwa utama lurasismajja.
Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.
Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.
Maynitejj jupa quicpat jan armt'asis sapüru arcañ munchitojja, uqhamaraqui jacañaps jan apt'asirjamäcchi ucajja, janiw nayatacjamäcaspati.
Alekaqui cimiento uscuntanejja, ucatsti jan tucuycaspajja takeniw uc uñjirinacajj jupatjj larusipjjani.
Uqhamajja, cawquïritejj jumanacat take cunapsa jan jaytcani ucajja, janiw discipulojjäcaspati.
Ucampis Pablojj sänwa: —¿Cunats jachapjjta? Uqham jachasajj nayaruw llaquisiyapjjesta. Nayasti waquicht'ataquïsctwa Jerusalén marcan ñach'antayasiñataquisa, uqhamarac Tatit laycu jiwañataquisa —sasa.