Lucas 10:11 - Qullan Arunaca

‘Marcaman lak'apajj cayur maqhatapquitu ucjja jumanac toke uñacht'ayañataquiw thalarasipjjta. Ucampis ac yatipjjam, Diosan reinopaw jumanacar jac'achasini’ sasa.

Aymar Bibliia 1986

“Marcaman lak'apajj cayur maqhatapquitu ucjja jumanac toke uñacht'ayañataquiw thalarasipjjta. Ucampis ac yatipjjam, Diosan reinopaw jumanacar jac'achasini” sasa.

Qullan Arunaka DC

‘¡Markaman laq'apax kayur makhatapkitu uksa, jumanakar ñanqhachañatakiw thalarasipxta! Ukampis ak yatipxam, Diosan qhapaq markapaw jumanakar jak'achasini’ sasa.

Lucas 10:11 Jak'a apnaqawi uñst'ayäwi

Ezequiel 2:5

Parlatamarojj ist'apjjpas janis ist'apjjpan, jupanacajj nayataqui sayt'asiri jakenacäpjjewa, ucampisa uca parlatamampejja jupanacajj yatipjjaniwa mä profetan jupanac taypin utjatapa.

Mateo 10:14

Janitejj catokapcätamjja, ni ist'apcaraquïtamsa ucqhajja, mistuwayjjapjjam uca utatjja, uca marcatsa, uqhamarac cayunacamatsa lak'a polvonacjja thalarasiwayjjapjjam.

Mateo 10:7

Sarcasinsti yatiyapjjaraquim, Diosan reinopajj jac'ancatapata.

Mateo 3:2

Saraquïnwa: “¡Take jan wali luratanacamatjja arrepientisipjjam, Diosan reinopaw jac'ancjje!” sasa.

Marcos 6:11

Cawqhantejj jan catokañ munapcätamjja, ni ist'añs munapcaraquïtamjja, uca chekatjja mistuwayjjapjjätawa. Cayunacamatsti lak'anacjja thalarasiwayjjapjjätawa, jupanacan amuyasipjjañapataqui. Khanacwa sapjjsma, cawqui marcantejj jankatokapcätamjja, ucan mutuyäwipajj taripäwi urunjja juc'ampïniwa, Sodomampina Gomorrampina mutuyäwipat sipansa —sasa.

Lucas 10:10

Ucampis cawqha marcantejj jan catokapcätam ucanjja, callenacar mistunisinjja sapjjam:

Lucas 10:9

Ucan usutanacarusti c'umaraptayapjjam, ucatsti sapjjam: ‘Diosan reinopaw jumanacar jac'achasini’ sasa.

Lucas 9:5

Ucatsti cawqhantejj jan catokañ munapcätam ucqhajja, mistjjapjjam uca marcata, cayunacamat lak'a polvonacjja thalarasipjjaraquim jupanac toke arsuta uñacht'ayañataqui —sasa.

Hechos 13:26

“Jilatanaca, Abrahaman wawanacapa, uqhamarac qhitinacatejj jumanac taypit Diosar ajjsartas sarnakapcta ucanaca, take jumanacataquiw aca khespiyäwi arunacajja.

Hechos 13:40

Amuyasipjjam, ucataraqui profetanacan aqham sas arsutanacapasti jumanacjjar phokhasiscaspan:

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Hechos 13:51

Uqhamïpansti Pablompi Bernabeampejj uca jakenacataqui cayunacapat lak'a polvonac thalarasisinjja, Iconio marcaruw sarjjapjjäna.

Romanos 10:21

Israelitanacat parlcasinsti Isaías profetajja siwa: “Mä urpachaw jawsascäyäta jan ist'asir contra sayt'ir jakenacarojja” sasa.

Romanos 10:8

Uqhamasti ¿cun sisa? “Suma arojja jac'amancasqui, lacamancascaraqui, chuymamancascaraquiwa.” Aca arusti iyawsäwi toke yatiyäwïqui ucawa.

Hebreos 1:3

Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.