Lucas 1:58 - Qullan Arunaca

Uta jac'anacapasa, uqhamarac familianacapasa yatipjjänwa Tatitojj jupat qhuyapayasitapa. Ucat jupanacajj Elisabetampejj wal cusisipjjäna.

Aymar Bibliia 1986

Uta jac'anacapasa, uqhamarac familianacapasa yatipjjänwa Tatitojj jupat qhuyapayasitapa. Ucat jupanacajj Elisabetampejj wal cusisipjjäna.

Qullan Arunaka DC

Uta jak'a masinakapampi, wila masinakapampisti, Tatitun jupar khuyapayasitap yatisinwa Isabelar kusisiyir sarapxäna.

Lucas 1:58 Jak'a apnaqawi uñst'ayäwi

Génesis 19:19

Jumanacajj sinti jach'a asquinacwa lurapjjestajja, nayataquisti sinti suma jakenacäpjjtawa, khespiyapjjaraquistawa jacañajjsa, ucampis janiw nayajj kollu tokenacar sarquiristti, t'unjäwisti thaquinjja catjaraquitaspawa, ucatsti nayajj jiwaraquiristwa.

Génesis 21:6

Ucatsti Sarajj saraquïnwa: “Diosaw nayarojj larusiyitu, take qhitinacatejj jichhajj wawanïtajj yatipjjani ucanacajj larusipjjaraquiniwa.

Salmos 113:9

Jan wawachasir warmirojja, wawanacanïcaspas uqham cusisit taycaruw tucuyi, pachpa utapan lurañanac catuyasa. ¡Tatitojj jach'añchatäpan!

Proverbios 23:25

¡Jumasti awquimarusa, taycamarusa cusisiyam, jach'ar aptayaraquim!

Lucas 1:14

Ucatsti wali cusisitäyätawa, waljaniraquiw jupan nacitapatjja cusisipjjani.

Lucas 1:25

“Jakenacan jan juc'amp nayar jisc'achañapataquiw Tatitojj acjja luri nayampejj” sasa.

Lucas 1:57

Ucatjja Elisabetan usjjañap horasajj purinjjaraquïnwa. Ucatsti jupajj mä yokall wawa wawachasïna.

Lucas 14:12

Saraquïnwa jawsayqui uca jakerojj: —Cunapachatï mä mank'añ waquichäta ucqhajja, jan jawsayamti amigomaru, jilanacamarusa, familianacamarusa ni kamir uta jac'amanquirirusa; jupanacajj jawsayapjjaraquïtamwa, uqhamat cutt'ayjjapjjaraquïtam.

Romanos 12:15

Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja.

1 Corintios 12:26

Cuerposan mayawjatejj t'akheschi ucqhajj takpacharaquiw t'akhesi, mayawjatejj suma yäkatächejja, takpacharaquiw cusisipjje.