Levítico 8:26 - Qullan Arunaca

Cuna canastillonacatejj ucan utjcäna jan levaduran t'ant'ani cuna, cunatejj Tatitun nayrakataparu uchascäna, ucanacatsti Moisesajj mä jan levaduran t'ant'a aptaraquïna, uqhamaraqui mä t'ant'ampi cunatejj aceitempi chaputäcäna uca quipcaraqui mä sillp'a t'ant'ampi, take ucanacsti liq'inacampi uqhamarac uca cupi charampi chicwa apnokaraqui;

Aymar Bibliia 1986

Cuna canastillonacatejj ucan utjcäna jan levaduran t'ant'ani cuna, cunatejj Tatitun nayrakataparu uchascäna, ucanacatsti Moisesajj mä jan levaduran t'ant'a aptaraquïna, uqhamaraqui mä t'ant'ampi cunatejj aceitempi chaputäcäna uca quipcaraqui mä sillp'a t'ant'ampi, take ucanacsti liq'inacampi uqhamarac uca cupi charampi chicwa apnokaraqui;

Qullan Arunaka DC

Jan levaduran t'ant'a uchañ walayatxa, kawkïritix Tatitun nayraqatapar uchatäki ukatxa, Moisesax jan levaduran mä t'ant'a aptäna, aceitempi chapt'ata mä t'ant'a, mä sillp'a t'ant'amp kuna, taqi ukanaksti lik'inakampi, uka kupi charampi chik apnuqarakïna;

Levítico 8:26 Jak'a apnaqawi uñst'ayäwi

Éxodo 29:23

Ucjjarusti Tatitun nayrakatapancqui uca jan levaduran t'ant'anacata mä muyu t'ant'a, uqhamarac aceitempi chaputa t'ant'a aptasinjja,

Levítico 8:25

Ucat Moisesajj liq'i caturaqui wich'inqhampi, uqhamaraqui take liq'i jiphillanaca, cuna liq'itejj q'iwcha patjjancqui ucanaca, uqhamaraqui paypacha maymurunaca, liq'inacapamppacha, cupi charampi cuna.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Hechos 5:12

Apostolonac tokejj walja uñacht'äwinacampi milagronacampiw lurasïna jakenac taypina. Pórtico de Salomón satäqui ucqharusti takeniw tantachasipjjäna.

1 Timoteo 2:5

Mä sapa Diosaquiw utji, Diosampi jakenacampi sumancthapiyirejja mayniquiraquiw utji, ucasti Jesucristowa.