Levítico 6:29 - Qullan Arunaca “Aca loktäwisti sinti kollanapuniwa. Uca loktäwitsti Aaronan sacerdote wawanacapaquiw mank'ani. Aymar Bibliia 1986 “Aca loktäwisti sinti kollanapuniwa. Uca loktäwitsti Aaronan sacerdote wawanacapaquiw mank'ani. Qullan Arunaka DC 29 (22) “Aka luqtäwix qullanansa qullanapapuniwa. Uka luqtäwitsti Aaronan sacerdote yuqanakapakiw manq'apxañapa. |
Ucat uca jakejj saraquitu: “Amsta tokenquir utanacasa, aynach tokenquir utanacasa, cawquïrinacatejj jist'antata uta ankäjja uñcatasincqui, ucanacasti kollana utanacawa. Tatitur jac'achasipqui uca sacerdotenacasti ucanwa cawquïri kollana ofrendanacatejj loktatäqui ucanacjja mank'apjje. Ucaruw jupanacajj kollana ofrenda loktäwinaca granonacata, juchata loktäwinaca, uqhamaraqui yatcasin jucha pantjasïwinacata ofrendanacjja uchapjjäna uca chekasti kollanaraquiwa.
“Aaronampiru uqhamaraqui sacerdote wawanacapampirojj, jucha luratat sacrificio loktañjjatjja aca yatichäwinaca churaraquim: Cuna uywtejj Tatitun nayrakatapar apanisin loktapcani ucajj Tatitun nayrakatapan qharinucutäjjañapawa, cawqha chekantejj naqhantayatäñataqui loktäwejj lurasqui uca chekana, ucasti wali kollanapuniwa.
Sacerdotesti jucha luratapata uca sacrificio loktasinsti ucatjja mank'añaparaquiwa, Diosampi Jiquisiñ Carpajj utjqui uca pationa.
Ucatsti cawquïrinacatejj sacerdotenacan wawanacapäqui uca sacerdotenacaquiw ucatjja mank'apjjaraquini, Tatitur loktata chekana mank'araquini, Tatitutaquejj uca chicajj sinti kollanätap laycu.
“Sañäni, mä jakejj loktat aychwa capapar llawt'ata apasqui, ucatsti capa thiyajj t'ant'aru, mank'aru, vinoru, aceiteru, jan ucajj cuna casta mank'arusa purpan. ¿Uqhamatti uca mank'ajj loktatäjjaspasti?” Sacerdotenacasti sapjjänwa: ‘Janiw’ sasa.
Jumanacatsti take chachaw aca ofrendanacatjja mank'apjjäta, ucampis kollana chekanwa mank'apjjäta, ucanacasti kollanätap laycu.