Levítico 26:46 - Qullan Arunaca

Acanacawa leyinacajja, uqhamarac arsüwinacasa, yatichäwinacasa, cuntejj Tatitojj Moisés toke Sinaí kollu patan churcänsa ucanacajja, uca leyinacasti Tatitumpi uqhamarac israelitanacampi luratänwa.

Aymar Bibliia 1986

Acanacawa leyinacajja, uqhamarac arsüwinacasa, yatichäwinacasa, cuntejj Tatitojj Moisés toke Sinaí kollu patan churcänsa ucanacajja, uca leyinacasti Tatitumpi uqhamarac israelitanacampi luratänwa.

Qullan Arunaka DC

Akanakawa kamachinakaxa, arsüwinakasa, yatichäwinakasa, kuntix Tatitux Moisés tuqi Sinaí qullu patan churkäna ukanakaxa, uka kamachinakasti Tatitumpi, israelitanakampi luratänwa.

Levítico 26:46 Jak'a apnaqawi uñst'ayäwi

Salmos 77:20

Marcamarojj ovej tamar uñtat irpäyätajja, Moisesampin Aaronampin amparap toke.

Levítico 25:1

Tatitusti Moisesarojj Sinaí kollun parläna; aqham saraquïnwa:

Levítico 27:1

Tatitusti Moisesaruw parläna; aqham saraquïnwa:

Levítico 27:34

Aca camachi arunacwa Tatitojj Moisesaru Sinaí kollu patan israelitanacataqui churänjja.

Levítico 7:38

Tatituw uca leyinacjja Moisesaru Sinaí kollu patan churäna, cunapachatejj uca Sinaí wasarana israelitanacarojj ofrendanaca churapjjañanacapataqui siscäna uca uru.

Levítico 8:36

Aaronampi, wawanacapampisti, cuntejj Tatitojj Moisesarojj siscatayna uqhamarjamaw phokhapjjäna.

Números 36:13

Acanacasti leyinaca, camachi arunacänwa, cawquïrinactejj Tatitojj israelitanacaru churäna Moisés toke Moab sat pampanacana, Jordán jawir jac'ana, Jericó marca uñcatasina.

Números 4:37

Takpachajj acanacänwa Coat chachan wawanacapajja, cawquïri jakenacatejj Jiquisiñ Carpan lurañanacataquis walïpcaraquïna ucanacajja. Take acanacarusti Moisesampi Aaronampiw jacthapipjjäna, Tatitojj Moisesaru arscatayna uqhamarjama.

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

Deuteronomio 12:1

“Take aca leyinaca, arsutanacaparjamaw jumanacajj sarnakapjjañama, cawquïri orakenactejj awquinacaman Tatitu Diosapajj utjäwinacamataqui churapcätam ucana.

Deuteronomio 13:4

Tatitu Diosama saparuqui arcapjjam, jach'añchapjjaraquim, ist'apjjaraquim camachi arunacapsa, jaysapjjam juparu ucatsti yupaychapjjaraquim, uqhamaraqui juparu chict'atapuni jacapjjaraquim.

Deuteronomio 29:1

Acanacaw cawquïri arust'äwi arunactejj Diosajj Moisesaru israelit jakenacampi lurañapataqui ewjjäna, Moab orakena, cawquïri arust'äwinactï jupanacampi lurcatayna Horeb kolluna, ucat sipansa.

Deuteronomio 33:4

Moisesaw leyinaca churistu herencianacaraqui Jacobon marcapataqui,

Deuteronomio 4:5

Nayasti jumanacarojj yatichapjjsmawa take cawquïri leyinactï Tatitu Diosajj ewjjawayquistu ucanaca, jumanacan uca leyinacarjam sarnakapjjañamataqui cawquïr oraktï churapcsma ucana.

Deuteronomio 6:1

“Aca camachinaca, leyinaca, arsutanacapwa Tatitu Diosajj nayaru churitu jumanacar yatichañataqui, cawquïri orakenactï churapcätam ucan phokhapjjañanacamataqui.