Levítico 25:5 - Qullan Arunaca janiraqui yawthapipjjamti jupapacha alcani uca trigonacjja; khepa cosecha apthapitatjja, janiraqui jan qhuchhurat uva alinacatsa uvanacjja apthapipjjamti, orakejja marpacha samarañapapuniwa. Aymar Bibliia 1986 janiraqui yawthapipjjamti jupapacha alcani uca trigonacjja; khepa cosecha apthapitatjja, janiraqui jan qhuchhurat uva alinacatsa uvanacjja apthapipjjamti, orakejja marpacha samarañapapuniwa. Qullan Arunaka DC Qhipa trigo achunak apthapitat jupapachpa külltanir trigo jan yawthapipxamti, jan khuchhurat uva alinakan uvanakapsa janirak apthapipxamti, uraqix marpach samarañapapuniwa. |
Isaiasasti Ezequiasarojj sänwa: “Acäniwa mä chimpojja jutir urunacana cunatejj pascani ucanacjjata: Aca marasa jutiri marasa jumanacajj mank'apjjätawa jupa pachpa achur trigota, ucampis quimsïr marajja yapuchapjjätawa, apthapipjjaraquïtawa, uva alinacsa ayrupjjätawa, uqhamarac achunacapsa mank'apjjaraquïta.
Ucapachaw Isaiasajj Ezequiasaru saraqui: “Cunatejj pascani ucatjja acäniw mä chimpojja: Jichha marajja uqhamaraqui maransa jumanacajj mank'apjjätawa jupa pacha achuri trigo, ucampisa quimsïri maransti yapuchasinjja, apthapipjjaraquïtawa uvanacsa, uqhamaraqui achunacapsa.
Uca pheska tunca marasti jumanacataquejj khespiyasiña maräniwa, uca marasti janiw jumanacajj yapuchapcätati, janiraquiw jupapacha jiliri trigsa yawthapipjjätati, janiraquiw uva yapumat achunacapsa apthapipjjätati,
ucampisa pakallko mara purinjjepansti orakejj samaraniwa, uca samaräwisti Tatitutaquiraquïniwa; uca marasti janipun yapunacamjja yapuchapjjamti, janiraqui uva alinacamsa qhuchhurapjjamti;
Cuntejj orakejj jan yapuchatäcasina achcani, uca samaraña maranacapanjja, ucasti jumanacan mank'añataquïniwa, uywatanacamana, sirvirinacamana, uqhamarac cawquïri jakenacatejj jaya marcat jutasin jumanac taypin jacapcani ucanacataquiraquïniwa;