janiraquiw mä ijma warmimpisa ni chachampi jaljtata warmimpisa casarasiñapäquiti, jan ucasti Israelanquiri mä jan chacha uñt'iri tawakompiw casarasiñapa, jan ucajj yakha sacerdoten ijmapampisa.
Levítico 21:13 - Qullan Arunaca “Warmipäñapataquisti jan chacha uñt'iri mä k'oma tawako thakhasiñapawa. Aymar Bibliia 1986 “Warmipäñapataquisti jan chacha uñt'iri mä k'oma tawako thakhasiñapawa. Qullan Arunaka DC “Warmipäñapatakisti uka sacerdotex chacha jan uñt'ir mä q'uma tawaqu thaqhasiñapawa. |
janiraquiw mä ijma warmimpisa ni chachampi jaljtata warmimpisa casarasiñapäquiti, jan ucasti Israelanquiri mä jan chacha uñt'iri tawakompiw casarasiñapa, jan ucajj yakha sacerdoten ijmapampisa.
Tatitun kollanawjapatsti janipuniw mistuñapäquiti, janiraquiw uca chekan kollanätapsa jisc'achayañapäquiti, jupjjaru cuna aceitetejj Tatituru loktatäqui ucajj warjjatatätap laycu. Nayätwa Tatitojja.
Janipuniw mä viuda warmimpi ni mä jaljtata warmimpisa casarasiñapäquiti, ni ch'amampiqui warmisita warmimpisa ni walja chachanacampi sarnakeri warmimpisa; warmipasti jan chacha uñt'iri warmïñapawa, uqhamarusa jupa castäñaparaquiwa,
“Janiraquiw walja chachanacampi sarnaker warminacampisa casarasipjjañapäquiti, ni mä ch'amampi warmisita warmimpisa ni jaljtata warmimpisa, uca sacerdotenacajj Diosataqui yakhachatäpjjatap laycu.
Jumanacatjja nayajj wal llaquista, Diosat jutir munasiñampiraquiw celapjjsma, jumanacarusti Cristompiraquiw parlthapiyapjjsmajja. Ucatsti nayajj jumanacarojj Cristoruw uñstayañ munapjjsma, mä k'oma jan chach uñt'ir tawakor uñtata mä sapa chachampi casarasiñataqui.
Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.