Levítico 19:5 - Qullan Arunaca “Cunapachatejj Tatituru sumancthapiña sacrificionac loktapjjäta ucapachasti, cunjämtejj Diosajj sisqui uqhamarjamaw loktapjjäta, uqhamat Diosajj jumanacar catokañapataqui. Aymar Bibliia 1986 “Cunapachatejj Tatituru sumancthapiña sacrificionac loktapjjäta ucapachasti, cunjämtejj Diosajj sisqui uqhamarjamaw loktapjjäta, uqhamat Diosajj jumanacar catokañapataqui. Qullan Arunaka DC “Kunapachatix Tatitur sumankthapiñ wilañchanak luqtapkäta ukapachasti, kunjämtix Diosax siski ukhamarjamaw jupan katuqañapatak luqtapxäta. |
Ucatjja Ezequiasajj jaljänwa lurapjjañapataqui sacerdotenacaru, levitanacarusa, uqhamata sapa maynisa luräwiparjama nact'ata loktäwinaca loktapjjañapataqui, uqhamarac sumancäwi sacrificionacsa, yuspagarapjjañapataqui, uqhamarac Tatiturus yupaychapjjañapataqui, templo puncunacana sirvipjjañapataqui.
Ucatsti Israelit waynanacwa qhithäna vaca kallunac qharsusa Tatitur jach'añchasina nact'ayasa loktapjjañapataqui, uqhamarac sumancthapiñataqui sacrificionacsa loktapjjaraquïnwa.
“Cunapachatejj marca apnakerejj Tatitur mä ofrenda chuymapata churani, mä uywa k'ala naqhantayasa jan ucajj sumancthapiñataqui mä ofrenda ucapachasti, inti jalsu tokencquisa uca puncunjamwa mantanini, uca sacrificionac loktañataqui, cunjämatejj samaraña urunacana loktasqui uqhama. Jupan mistuwayjjatapatsti puncojj jist'antasjjaraquiniwa.
Marca apnakeristi ucanquiri utarojj uta ankäjjanquiri toketwa mantaniraquini, ucasti puncuna utjquisa uca maya postenac jac'aruw sayt'asini. Ucañcamasti sacerdotenacajj sacrificiot loktat uywanacwa nact'ayapjjani, cuna uywanactejj marca apnakerejj churqui ucanaca sumancthapiñataqui sacrificiot loktapjjaraquini, ucatsti marca apnakerejj puncu umbral tokeruw alt'araquini, parapampejj orakeru puriñcama, ucat mistuwayjjaraquini. Uca puncusti janiw jist'antascaraquiniti jayp'thapiñapcama.
“Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.
“Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.
Cawquïri uywatejj loktatäcani ucasti uca urpachaw mank'antatäjjañapa, jan ucajj khepürusa; ucampisa cunatejj quimsïri urutaqui jilt'cani ucasti naqhantayatäjjañapawa.
ucapachasti mä orko uywa churañapawa, jan cuna camacht'ata c'umara uywäñaparaquiwa, uqhamat ucajj catokatäñapataqui. Uca uywasti mä orko vacäspawa, jan ucajj mä orko ovejasa jan ucajj mä cabritosa,
“Cawquïri jaketejj Tatituru mä sumancthapiña sacrificio loktani ucasti mä arsüwita phokhañataquïpasa, jan ucajj chuymapatjama churaña ofrendäpasa, ucanacasti mä c'umara orko vacäñapawa, jan ucajj mä c'umara ovejäñapawa, ucampisa ucanacajj c'umara uywanacäñapawa uqhamata catokatäñapataqui.
Chuymamatjama ofrenda loktäwsti mä orko vaca jan ucajj mä orko oveja loktapjjäta, ucanacasti ch'ulla ch'ulla cayunïscpasa, ucampisa uca casta uywanac loktäwejja janiw catokatäcaraquïtati mä arsüwima phokhañ munasin loktäta ucapachajja.
“Cunapachatejj Tatituru mä ofrenda yuspagarasa churäta ucapachasti, wali sumpuni loktam, uqhamata uca ofrenda loktäwejja suma catokatäñapataqui.
Mä uywatejj mä arsüwi phokhañataqui, jan ucajj chuymasatjama mä ofrendaquiraquïni ucapachasti, ucan aychapajj uca urpacha pachpana mank'antatäjjañapawa, ucat jilt'iristi khepürusa mank'atäscaraquispawa;
Ucampisa maynitejj uca sumancthapiñataqui loktatäqui uca uywan aychapjja quimsa ururus mank'ascaquinejja, uca loktäwejj janiw catokatäcaniti, janiraquiw uca loktatajj cunataquis asquïcaniti; uca aychasti jan muncaña aychäcaspas uqhamaru uñjataraquïniwa, ucat uca aycha mank'erisa uqhamaru uñjataraquïniwa, uca juchasa jupjjancaraquiniwa.