Raquelasti saraquïnwa: —Awquejja, janiw colerasïtati, nayan jan sartatajjatjja, phajjsi wilanïscatajj laycu —sasa. Labanasti diosanacap thakascäna, ucampis janiw jicjjatcänti.
Levítico 19:32 - Qullan Arunaca “Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja. Aymar Bibliia 1986 “Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja. Qullan Arunaka DC “Kayut sayt'asisin chuyman jaqinakar mä suma yäqañampi uñjam. Tatit Diosamar axsartatamsa uñacht'ayarakim. Nayätwa Tatituxa. |
Raquelasti saraquïnwa: —Awquejja, janiw colerasïtati, nayan jan sartatajjatjja, phajjsi wilanïscatajj laycu —sasa. Labanasti diosanacap thakascäna, ucampis janiw jicjjatcänti.
Joseasti awquipan jarphipatjja wawanac ichoke, ucatsti oraker puriñcamaw alt'asiraqui.
Betsabé warmisti uqhamwa Salomón reyimpi parlir saräna Adonías laycu. Reyisti taycaparu catokañataquisti sayt'asïnwa, uqhamarac jupataquejj alt'asiraquïnwa. Ucatsti wastataw tronoparu kont'asiri cuttäna, ucatjja aptayanïnwa mä konüña taycapataqui; ucatsti taycapajj cupëjjaparuwa kont'asïna,
Jan ucasti naya Tatit Diosamaruwa yupaychapjjetäta, qhititejj Egipto marcata apsunipctam wali jach'a ch'amampi. Naya saparuquiwa yupaychapjjetäta sacrificionaca loktasina.
Cunjämtejj Eliú chachajj takenit sipansa juc'ampi waynaquïnjja ucatwa suyt'äna Job chachampi parlañ tucuyañapcama.
Ucatwa parlañ kalltaraqui: “Cunjämtejj nayajj sullcäsctjja, jumanacasti chuymani jakenacäpjjaracta, ucatwa nayajj jan cunsa arscäyätti.
Jank'o ñic'utanëjjañajja mä suma coronjamawa, cheka thaquin sarnakatata jicjjatatajja.
Jach'a jach'a tucuñasti waynanacanjja ch'amanacapanquiwa; chuyman awquinacanjja jank'o ñic'utanacapawa mä jach'añchäwejja.
Ist'am jumar jathasir awquimaru; taycamajj chuymanëjjani ucqhajja jan jisc'achamti.
Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.
Jilïrinacasasti amparata warccatataw uñjasipjjaraqui, chuymani jakenacasa janiw ajjsaratäcjjapjjaraquiti.
“Okara jakerusti jan maldicimti. Juyqhun sarnakañaparusti janipuni cuna casta jan walt'añanacsa liwisiñapataquejj uscumti. Tatitu Diosamaru ajjsartam. Nayätwa Tatitojja.
Qhitinacarutejj manüpctas ucjja phokjjapjjaraquim. Kollke churañ utjchi ucajja churapjjam. Impuesto manüpctas ucjja phokhapjjam. Ajjsarañäqui ucarojj ajjsarapjjaraquim. Yäkañäqui ucarojj yäkapjjam.
Chuymani awquinacarojj jan tokemti, ucampis suma ewjjanac churam awquimäcaspas uqhama, waynanacarojj jilamarjam uñjam.
Takenirus suman uñjapjjam, jilatanacarusti munapjjaraquim, Diosarusti ajjsartapjjam, reyirusti ist'apjjaraquim.