Levítico 18:27 - Qullan Arunaca Cawquïri jakenacatejj jumanacat nayräjja aca oraken jacapcän ucanacajj take uca k'añu luräwinacwa lurapjjänjja, uca lurapjjatap laycuraquiwa uca orakesa k'añuchata uñjasiraquïnjja. Aymar Bibliia 1986 Cawquïri jakenacatejj jumanacat nayräjja aca oraken jacapcän ucanacajj take uca k'añu luräwinacwa lurapjjänjja, uca lurapjjatap laycuraquiwa uca orakesa k'añuchata uñjasiraquïnjja. Qullan Arunaka DC kawkïr jaqinakatix jumanakat nayräxa aka uraqin jakapkän ukanakax, taqi uka q'añu luräwinak lurapxäna, ukham lurapxatapampiw uka uraqis q'añuchat uñjasirakïna. |
Uqhamaraquiw uca orakenquir chachanacajja chacha masinacapampi jan wali lurañ yatipjjäna diosanacapataqui ascsa lurapcaspa uqhama, ucanacasti jucharar marcanacana jan wali luräwinacapänwa, cawquïr marcanacarutejj Tatitojj jakonuccäna israelitanacana nayrakatapata ucanaca.
jan ucasti arcänwa Israelana reyinacapana luräwinacaparu, jupasti wawaparusa sacrificionjja naqhantayänwa, cunjämatejj marcanacajj k'añu lurañanaca yatipcäna uqhama, Tatitusti uca marcanacarojj israelitanacan nayrakatanacapatjja apanucutaynawa.
Ucampis jupan luratanacapajj jan walinacänwa Tatitun nayrakatapana, jupasti luränwa Tatitojj cawquïr marcanacarutejj israelitanacan nayrakatapata jakonuccäna ucanacan pachpa k'añu luräwinacapa.
Uqhamaraquiw Judá orakenquir jilïrinacasa, sacerdotenacasa, uqhamarac jakenacasa juc'amp jan walinaca lurapjjäna, jucharar marcanacan ajjtcaña luräwinacapa lurasina, uqhamarac Tatitun templopa taquichasina, cuntejj Tatitojj Jerusalenan santuario ajlliscäna uca.
Jupanacajj wali jach'a jach'aw tucupjjänjja, ucatsti cunanactejj nayajj uñiscta ucanacwa lurapjjaraquïnjja; ucatpï jupanacarojj tucjtjja cunjämtï jumajj uñjcta uqhama.
Yakhepa jakenacasti yakha jakenacan warminacapampiw sarnakapjjaraqui, yakhepanacasti pachpa yojjch'anacapampiraqui, yakhepanacasti prima cullacanacaparuw waynakapjjaraqui.
Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.
“Janipuni ucanacampejja k'añuchasipjjamti. Cawquïri marcanactejj nayajj jumanac nayrakatata ananuccä ucanacasti uca luräwinacampiwa k'añuchasipjjejja,
Ucampisa jumanaca, israelitanacajja, uqhamarac cawquïri yakha marcat jutasina jumanac taypina jaquiri jakenacasa, nayan arsutanacajjaru uqhamaraqui leyinacajjarusa phokhasa sarnakapjjam, janiraqui uca k'añu luräwinacjja lurapjjamti, cuntejj uca jakenacajj lurapcän ucanaca.
¡Uca orakesti janiraqui jumanacarojj apanucpati cunjämtejj uca jakenacarojj apanuccänjja uqhama, cawquïrinacatejj jumanacat nayra jacapcän ucanacarojja!
Uqhamata jan jumanacar uca ajjtascañ sarnakäwinacap yatichañapataqui, cunjämtejj diosanacaparu yupaychapqui, Tatitu Diosam contra jucha lurayasa.
Janiraqui jumanacajj catokapjjamti Tatitu Diosaman templopanjja uca k'añu sarnakañan jicjjatat kollkenacjja, take uqhama lurañanacajj Diosaru ajjtasiyatap laycu.
Diosataquejj uqham luririnacajj ajjtascañätap laycu, uqhamaraqui jan cheka cancañan sarnakerinacasa.
‘Maldicitäpan cawquïritejj yakha diosanaca, cunar uñtat diosanac metälat lurasini, ucatsti jan uñjcañ chekaruraqui imantani ucajja; ucasti Diosarojj ajjtasiyiwa.’ Ucatsti takpach marcaraquiw sani: ‘Uqhamäpan’ sasa.