Uqhamasti Davidajj mayni jakenac qhitaraquïna uca warmi irptanipjjañapataqui, uca warmimpisti iquintaraquïnwa; uca khepatsti warmejj utaparuw cuttawayjjaraquïna. Uca warmisti ucapachaquiraquiw k'omachasiscatayna phajjsi wilapatjja.
Levítico 18:19 - Qullan Arunaca “Phajjsi wilani warmimpisti janipuni jucha luramti. Aymar Bibliia 1986 “Phajjsi wilani warmimpisti janipuni jucha luramti. Qullan Arunaka DC “Phaxsi wilan warmirusti janipuniw warmisïtati. |
Uqhamasti Davidajj mayni jakenac qhitaraquïna uca warmi irptanipjjañapataqui, uca warmimpisti iquintaraquïnwa; uca khepatsti warmejj utaparuw cuttawayjjaraquïna. Uca warmisti ucapachaquiraquiw k'omachasiscatayna phajjsi wilapatjja.
Kollu patanacan cuna mank'äwinacatejj utjqui yakha diosanacar yupaychañanjja ucanacatjja jithektiwa, janiraquiw Israel c'ari diosanacaparus catuyascaraquiti; jake masipatsa janiw warminacapjja irparcaraquiti, janiraquiw pachpa warmiparus jac'caraquiti cunapachatejj uca warmejj phajjsi wilapampïqui ucapachajja.
Yakhepa jakenacasti pachpa awquipan warmipampiw jucha lurañan sarnakapjjaraqui, jan ucajj pachpa warmipampisa cunapachatejj phajjsi wilapampïsipqui ucapacha.
“Israelitanacarusti aqham saraquim: Cunapachatejj mä warmejj usur jakeptani, ucatsti mä yokall wawa wawachasiraquini, uca warmisti pakallko urucamawa k'añu uñjasini, cunjämatejj phajjsi wilapan jutatajj uñjasirïqui uqhama.
“Mayni warmitejj phajjsi wilapampïscani ucasti pakallko uruwa k'añut uñt'atäni. Cawquïritejj uca warmiru llamct'ani ucasti k'añut uñt'atäniwa, jayp'thapiñapcama.
“Maynitejj uca phajjsi wilani warmimpi iquintani, uqhamarac uca phajjsi wila usupampisa chicachasiraquini, ucasti pakallko urunacaw k'añut uñt'ata jicjjatasiraquini, uqhamarac cawqui chekarutejj uca jakejj iquintcqui uca chekasa k'añut uñt'ataraquïniwa.
“Jan warmiman cullacaparojj warmisimti, janiraqui jupampejj wachoka juchsa luramti warmima jacasquipanjja, jan ucasti cullacpurwa jan walt'añaru puriyäta.
“Mayni jaketejj phajjsi wilani warmimpi iquintani ucasti uca warmirojj warmisiraquini, uca jakesti uca warmin wila jutañapwa khanaru apsusqui uca warmisa jupa quipcaraquiwa khanaru apsojja; uca laycu ucanacajja panpacha jiwayatäñapawa.