Levítico 15:18 - Qullan Arunaca

“Mayni chachatejj mä warmimpi iquintani mayachasisa, uca khepatsti panpachaniw umampi jarekasjjapjjani, panpachaniraquiwa jayp'ucama k'añut uñt'ata kheparapjjani.

Aymar Bibliia 1986

“Mayni chachatejj mä warmimpi iquintani mayachasisa, uca khepatsti panpachaniw umampi jarekasjjapjjani, panpachaniraquiwa jayp'ucama k'añut uñt'ata kheparapjjani.

Qullan Arunaka DC

“Mä chachatix mä warmimpi ikintasin mayachasipxani ukkhasti, panpachaniw umampi jariqasxapxañapa, ukatsti panpachanirakiw jayp'ukamax q'añut uñt'at qhiparapxani.

Levítico 15:18 Jak'a apnaqawi uñst'ayäwi

2 Samuel 11:4

Uqhamasti Davidajj mayni jakenac qhitaraquïna uca warmi irptanipjjañapataqui, uca warmimpisti iquintaraquïnwa; uca khepatsti warmejj utaparuw cuttawayjjaraquïna. Uca warmisti ucapachaquiraquiw k'omachasiscatayna phajjsi wilapatjja.

Salmos 51:5

Nayajj yuritajjatpach juchan muyuntatätwa; taycajjan puracapatpach juchanïtwa.

Éxodo 19:15

Moisesasti marcarojj sänwa: —Jurpüru alwataquisti suma waquichasipjjam, jan warminacamampis icthapipjjamti —sasa.

Levítico 15:16

“Cunapachatejj mayni jakejj jatha ch'akarayasini ucapachasti take janchipwa umampi jarekasjjaraquini, ucatsti jayp'thapiñapcamajja k'añut uñt'ataraquïniwa.

Levítico 15:17

“Cuna isinacjjarutejj, jan ucajj mä lip'ichjjarusa uca jaken jathapajj ch'akjjatcani, ucasti umampi t'ajjsokatäjjañapawa ucanacasti k'añut uñt'atäjjaraquiniwa jayp'thapcama.

Levítico 15:5

“Cawquïritejj uca jaken iquiñapa llamct'ani ucasti, isipa t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucama k'añut uñt'ataquïscaniwa.

1 Corintios 6:12

“Maynejj cuntï munqui uc lurascaquispawa” sapjjewa, ucampis janiw take cunas asquïcaraquiti. Nayatejj cuntï muncta uc lurasquiristjja, ucampis nayajj janiw cunampis apnakayasiñajjäquiti.

1 Corintios 6:18

Jithektapjjam wachoka jucha lurañatjja. Cawquïr yakha jucha lurañasa janiw janchimpi luratäquiti, ucampis wachoka jucha lurañajj pachpa janchimpi jucha lurañawa.

2 Timoteo 2:22

Waynanacan jan wali luräwinacapatjja jithektam, k'oma jacañan sarnakam, uqhamarac iyawsañana, munasiñana, sumancañana, qhitinacatejj Tatitur k'oma chuymampi mayipqui ucanacamp chica.

Hebreos 13:4

Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.

1 Pedro 2:11

Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.