Levítico 14:32 - Qullan Arunaca Take ucanacawa yatichäwinacajj cawquïri jakenacatejj lepra usu llaganacani uñstcani ucanacataquejja, cawquïrinacatejj k'omachasïwipanjja jan walja ofrendanaca churirjamäpqui ucanacataquejja. Aymar Bibliia 1986 Take ucanacawa yatichäwinacajj cawquïri jakenacatejj lepra usu llaganacani uñstcani ucanacataquejja, cawquïrinacatejj k'omachasïwipanjja jan walja ofrendanaca churirjamäpqui ucanacataquejja. Qullan Arunaka DC Taqi ukanakaw yatichäwinakax kawkïri jaqinakatix lepra usuni uñstkani ukanakatakixa, khitinakatix q'umachasïwipan walja luqtanak jan churirjamäpki ukanakataki. |
“Cunapachatejj mayniru janchipajj p'usuni, jan ucajj phallatatanisa, jan ucajj janchipana manchanacasa uñstani, jan ucajj mä llaganacasa lepra usur uñtata uñstani, ucapachasti uca jakejj sacerdoten ucaru apatäñapawa, Aaronan ucaru, jan ucajj Aaronan mayni wawanacapan ucarusa.
Acanacaw yatichäwinacajj uca lepra manchanaca toketjja ucanacajj t'awrata jan ucajj linota lurata isinacansa uñstpan, jan ucajj lip'ichit lurata yänacansa uñstpan, uqhamat uca yänacarojj k'omata jan ucajj k'añutsa uñt'jjañataqui.
“Quimsakallko ururusti pä orko ovejanaca caturaquini, uca ovejanacasti k'oma ovejanacäñaparaquiwa, uca quipcaraqui mä kachu ovejampi, ucasti mä maranïñapawa jan cuna camacht'ataraqui; uqhamarac sojjta kilo chicatani suma jac'umpi, uqhamata granonacat mä suma ofrenda loktañataquisti, aceitempi chaputäñaparaquiwa, ucjjarusti niya chicat litro aceitempi cuna.
“Acanacaw yatichäwinacajja mä lepra usuni jakena k'omachasiñap tokenacatjja: usut jakesti sacerdoten nayrakataparu irpatäniwa,
“Cawquïri jaketejj usutäcani ucatejj pobrëni, janiraqui take ucanacataqui kollkepajj utjarapcaniti ucapachasti mä orko oveja jucha luratata sacrificio loktañataqui apanini, ucatsti mä suma ofrendäcaspasa uqhamwa loktaraquini juchanacapat perdón jicjjatañataqui, ucjjarusti pä kilot mä juc'ampi jilt'ata suma jac'u apaniraquini, aceitempi chaptata, ucanacajj granonacat mä ofrenda loktäwïcaspas uqhama, niya chicat litro aceitempi,
Maynïr palomjja jucha luratat sacrificio loktäwïcaspasa uqhamwa loktaraquini, maynïri palomsti k'ala naqhantayaraquïni, granonacat ofrenda loktasqui ucanacat sipansa. Uqhamatwa sacerdotejj cawquïri jaketejj k'omachasisqui ucataquejj juchanacapat perdón jicjjatani.”
Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.