Levítico 13:29 - Qullan Arunaca “Cunapachatejj mä chachasa jan ucajj mä warmisa p'ekepana mä llagajj uñstani jan ucajj sunqhapansa, Aymar Bibliia 1986 “Cunapachatejj mä chachasa jan ucajj mä warmisa p'ekepana mä llagajj uñstani jan ucajj sunqhapansa, Qullan Arunaka DC “Kunapachatix mä chachana, jan ukax mä warminsa p'iqipana, jan ukax sunkhapansa mä llixtix uñstani ukkhasti, |
Uca toketa suma jiscjjatasisinjja, reyejj pä vaca kallunacwa korita lurayäna, ucatsti marcarojj sänwa; “Jumanacasti israelita jakenaca, walja cutiwa Jerusalén marcar sarapjjtajja. Jichhasti acanacapï jumanacana diosamajja, Egiptot apsunipctam ucanacajja” sasa.
ucatsti jumajj ist'am cawquïr take jaken oracionanacapsa, mayisitanacapsa, jan ucajj takpach Israel marcamana mayisitanacapsa, uqhamata Diosajj jan walt'añanacana, aykoñanacana t'akhesiñanacana uñjasisasti oracionana aca templona amparanaca loktaniñapataqui. Jumasti alajjpachatpacha ist'anim cawqhantejj jactajj ucqhatpacha, ucatsti perdonanim; luraraquim, ucatjja sapa maynirusa luratanacapatjama churaraquim, juma sapaquiwa jaken amtäwinacapa chuymapsa uñt'tajja uca laycu.
jumajj ist'amaya take mayisitanaca, achict'asitanaca take jakenacata, jan ucajj take Israel marcpachatsa, ucatsti aca marcajja jan walt'añapa, usuyasitapa uñjasinjja oracionapana amparapsa aca temploru loktanini aca marca laycu ucajja. Jumasti alajjpachatjja ist'animaya cawqhantï jumajj jactajja ucqhatpacha, jumajj juchanacapatsa pampacharaquim; ucatjja sapa maynirusa luratapatjam churaraquim, jumaquiw uñt'tajja jaken amtatanacapa, uqhamarac chuymapsa uca laycu.
Aca yatiyäwinaca ist'asinjja isejjwa ch'iyanokasta, ñic'utajjsa, sunqhajjsa mitharastwa chuymajjana wali usuyasitajj laycu, uqhamarac wali llaquitaw jicjjatasiracta.
Ñankha luririnacajj jan amuyunïpjjewa, marcajjar t'ant'jam mank'antirinacajj jan amuyt'anïpjjewa, Diosar jan art'asirinacajj jan amuyt'asirïpjjewa.
Jumanacajj Dios toke sayt'asiñacpun munasipctajja, janchinacamansti janiw cawqhas jawk'jañataquejj utjcjjeti. P'ekenacamajj k'ala chhojjriñchjatawa, janiraquiw cunataquis ch'amamajj utjcjjeti.
¡Ay, cunaquïcani jumanacataquejja qhitinacatejj jan walïqui ucarojj ‘Waliw’ sapcta ucanacataquejja, uqhamaraqui walïqui ucarusti ‘Janiw walïquiti’ sapjjaracta, khansti ch'amacaru tucuyapjjta, ch'amacsti khanaruraqui, c'allc'üqui ucsti mojjsaru, mojjsäqui ucsti c'allc'ururaqui!
(P'ekejj jilïri irpiri jakenacawa, wich'inqhasti, c'ari yatichiri profetanacaraquiwa.)
Tatitojj saraquituwa: “Jichhasti, chacha, jumajj mä ari cuchillo catum, ñic'uta uqhamaraqui sunqha qhithurasiña navajäcaspas uqhama ucampisti ñic'utama sunqhama qhithurasiraquim, ucatsti janc'aqui mä balanza aptaraquim, ñic'utamsti quimsaru jaljam.
Ucampisa uca manchatejj jan juc'ampi janchinjama akatatatäcani, jan ucasti chhaktatäjjani, ucapachasti uca manchajj janchi khatsutata manchaquiwa, ucapachasti sacerdotejj uca jakerojj k'omatwa khanañchjjaraquini, uca manchajj janchi khatsutata jacthapitätap laycu.
ucapachasti sacerdotew uca llagjja uñjjatani. Uca llagatejj janchitjja juc'ampi mankharu mantatäni, ucatsti ñic'utajj k'ellurquipstataraquïni, uqhamarac willirtjjaraquini, ucapachasti sacerdotejj uca jakerojj k'añutwa khanañchjjani, tiña sat usunïtap laycu, jan ucajj p'eke lepra jan ucajj sunqha lepra usunïtap laycu.
Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.
Nayramatejj jan walïcchejja, take janchimajj ch'amacancaniwa. Juman utjquis uca khanamatejj ina ch'usa ch'amacaru tucuni ucajja ¡cunja lajjänisa uca ch'amacajja!