Levítico 10:19 - Qullan Arunaca

Aaronasti ucjjarojj saraquïnwa: —Uñjam, jichhaw jupanacajj jucha luratatat, sacrificio Tatitur loktasipqui, uqhamaraqui naqhantayatäñataqui loktäwinacsa. Jichhüruquiw nayataquejj uqham lurasi. Nayatejj jichhajj uca jucha luratata sacrificio loktat uywan aychapa mank'antiriscäyätjja, ¿ucajj Tatitutaquejj waliquïsapänti? —sasa.

Aymar Bibliia 1986

Aaronasti ucjjarojj saraquïnwa: —Uñjam, jichhaw jupanacajj jucha luratatat, sacrificio Tatitur loktasipqui, uqhamaraqui naqhantayatäñataqui loktäwinacsa. Jichhüruquiw nayataquejj uqham lurasi. Nayatejj jichhajj uca jucha luratata sacrificio loktat uywan aychapa mank'antiriscäyätjja, ¿ucajj Tatitutaquejj waliquïsapänti? —sasa.

Qullan Arunaka DC

Aaronasti ukxaruw säna: —Uñjam, jichhüruw yuqanakaxax jucha luratat wilañchanaksa, nakt'ayat luqtäwinaksa Tatitur luqtasipki, nayatakisti uka jan walinakax jichhapuniw utjarapitu. Nayatix jichhürux uka jucha luratata wilañcha luqtat uywan aychap manq'antiriskäyät ukaxa, ¿Tatitutakix walikïsapänti? —sasa.

Levítico 10:19 Jak'a apnaqawi uñst'ayäwi

Isaías 1:11

Tatitojj siwa: “¿Cunataquis ucatak wilañchanac loktapjjesta? Karitäjjtwa jumanacan wilañchat orko ovejanac loktapjjatanacamampejja, uqhamaraqui liq'i vaca kallu loktatanacamampisa; orko vacanacana, ovejanacana, cabritonacana wilanacapajj ajjtasiyjjetuwa.

Isaías 1:15

Cunapachatejj jumanacajj amparanacam loktasa mayisinipjjetäta ucapachajj, nayajj janiw jumanacar uñtanipcämati; oracionanaca walja lurasipcäta ucapachajj, janiw nayajj ist'apcämati. Amparanacamajj wilararcamaquiwa.

Jeremías 14:12

Kawkhas ayunasipcpan, janiw mayisitanacapjja ist'cäti; kawkhas naqhantayat grano ofrendanacapsa apasinipcpan, janiraquiw ucjja take chuymampi uñtcäti. Guerrampi, mach'ampi, cunayman casta usunacampiw ucanacjja tucjaraquï.”

Jeremías 6:20

¿Cunataquis jumanacajj Sabá sisqui uca oraket incienso apanirapipjjesta? ¿Uqhamaraqui jaya orakenacatpacha suma k'aphini alinacsa? Nayarojj janiw munasquituti uca loktasitanacamajja, ni yakha sacrificionacamasa.”

Oseas 9:4

Janiw Tatitun sutipjjaru juc'ampi vino umcjjapjjaniti, janiraquiw ucansa juc'ampi sacrificionac loktascjjapjjaniti. T'ant'a mank'atanacapas llaqui t'ant'jamäniwa, qhitinacatejj mank'apcani ucanacas k'añöjjapjjaraquiniwa. Jupanacaw uca t'ant'anacjja mank'asipcani, ucampis janiraquiw Tatitun temploparu ucanacjja apañataquejj ch'amanïpcaniti.

Levítico 10:20

Moisesasti ucanac ist'asinjja amuquëjjaraquïnwa.

Levítico 9:12

Aaronasti, cawquïri uywatejj takpacha naqhantayatäñataqui loktañataquïcäna uca uywa qharinucuraquïna, wawanacapasti wila apcatapjjaraquïna, uca wilampisti Aaronajj altararuwa patjjata, uqhamarac thiyanacata waraquiparaquïna.

Levítico 9:8

Aaronasti altararu jac'achasisinjja, cuna orko vaca kalltejj juchapata loktañataqui irpancänjja ucwa qharinucuraqui.

Malaquías 1:10

Take ch'amani Diosasti siwa: “Walïspawa cawquïrisa jumanacata templojjan puncupa jist'antaspa, uqhamata jan inamayataqui altarajjan ninapa aktayir sarañanacamataqui. Janiw jumanacataqui chuymajjajj utjquituti, janiraquiw ofrendanacamsa catokcaraquïti.

Malaquías 1:13

Jumanacasti sapjjtawa: ‘¡Take acanacampejj karitäjjapjjtanwa!’ sasa. Ucatsti jisc'achapjjaraquistawa. Amuyapjjaractawa nayajj cusisiñampis catokapquirisma uca lunthatat uywanaca, usuta, cojo uywanaca loktanipquista ucanacjja. Jumanacasti ¿‘Catokestaniw’ sapjjtati? Siw take ch'amani Diosajja.

Malaquías 2:13

Uqhamarus jumanacajj janiw ucanacac lurapctati, jan ucasti jumanacan ofrendanacama Diosajj jan catokjjatap laycusti jachañanacamampi, warariñanacamampiw Diosan altarapjja phokhantayapjjtajja.

Deuteronomio 12:7

Qhä chekanwa Tatitu Diosaman nayräjjapana mank'apjjaraquïta, ucatsti familianacamampi chicaw cusisipjjäta luräwinacaman achupa uñjasina, cunanacampitejj Diosamajj bendicipjjätam ucanacata.

Deuteronomio 26:14

Ucanacatsti janiraquiwa cunsa mank'caractti, cunapachatejj llaquisitäcta ni juchanacan jicjjatascta ucqhasa, ni jiwatanacarus churcaractti. Nayan Diosajja; take arunacamaruw jaysta, uqhamarac phokharacta.

Filipenses 4:4

Tatituncasajj cusisitäpjjapunim take urunacana. Wasitat sapjjsma, cusisipjjam.

Hebreos 7:27

Janiw mayni jilïri sacerdotenacjamäquiti, ucanacasti animalanac jiwayasin sacrificionac sapüru loktapjje, nayrakatajj jupanacan pachpa juchanacapata, ucjjarojj jaken juchanacapatraqui. Ucampis Jesusajj mä cutiquiw wiñayataqui jupa pachpa taketac loktasiwayi.

Hebreos 9:8

Kollan Ajayojj take ucanacampejj amuyt'ayistuwa, uca nayrïri santuariojja culto lurañaquïscatapa, Sinti Kollan sat Chekar puriñataquisti janïraw thaquejj jist'aratäcänti.