Levítico 1:8 - Qullan Arunaca ucjjaru uca qharinokat aychsa, p'ekepsa, jiphillanacan liq'ipsa uchañataqui. Aymar Bibliia 1986 ucjjaru uca qharinokat aychsa, p'ekepsa, jiphillanacan liq'ipsa uchañataqui. Qullan Arunaka DC ukxaru uka kharinuqat aychsa, p'iqipsa, jiphillanakan lik'ipsa uchañataki. |
Jichhajj waliquiwa, pä vaca kallu churapjjeta, jupanacasti maya ajllisipjjpan, ucatsti qharinokasinjja lawa patjjar uchapjjpan, ucampis janiw ninampi naccatayapcaniti. Nayasti waquicharaquïwa maynïri vaca kallu, ucatjja lawa patjjaruwa ucharaquëjja, nayasti janiraquiquiw ninampejj naccataycaraquïti.
ucatjja lawanaca wact'ayasinjja, vaca kallwa qharinokäna, ucatjja uca lawanac patjjaruwa uchäna.
ucatsti uywan aychapjja qharinokapjjaraquiniwa, uca qharinokat aychanacsti sacerdotejj uchaniwa p'ekemppacha, jiphillanacan liq'inacapamppacha altarjjan ninajj lawamp akasqui ucjjaru.
“Qhititejj sumancthapiñatac uywa loktcani ucajj Tatitur loktañapawa, nact'ayat ofrendata, jiphillanacan liq'ipamppacha,
maymurunacsti liq'imppacha, jiqhani liq'inacamppacha, q'iwchjjancqui uca liq'inacamppacha apakatäñapawa maymurunacamp chica.