Jueces 9:54 - Qullan Arunaca

Abimelec chachasti janc'aquiw yanapiripa jawsäna, ucatsti sänwa: “Espadamampi jiwayjjeta, janiw nayajj muncti: ‘Mä warmiquiw jiwayi’ sañanacapjja” sasa. Ucatsti yanapiripajj iyawsasaw espadapampi jiwayjjäna. Uqhamaw Abimelec chachajj jiwjjäna.

Aymar Bibliia 1986

Abimelec chachasti janc'aquiw yanapiripa jawsäna, ucatsti sänwa: —Espadamampi jiwayjjeta, janiw nayajj muncti: “Mä warmiquiw jiwayi” sañanacapjja —sasa. Ucatsti yanapiripajj iyawsasaw espadapampi jiwayjjäna. Uqhamaw Abimelec chachajj jiwjjäna.

Qullan Arunaka DC

Abimélec chachasti ukspachaw yanapiriparux jawsäna, ukatsti sänwa: “Espadam apsusim ukat jiwayita, janiw nayat ‘Mä warmikiw jiwayi’ sapxañap munkti” sasa. Uka yanapiripasti iyawsasaw espadapampi chhuqhuntäna, ukhamaw Abimélec chachax jiwxäna.

Jueces 9:54 Jak'a apnaqawi uñst'ayäwi

2 Samuel 1:10

Uqhamasti nayajj jac'achasisinjja juparojj jiwayjjaractwa, nayasti amuyaraquïyätwa, jupan aynacht'jjatapatjja janiw jaquirjamäcjjänti. Ucatsti janc'aquiw p'ekepanccäna uca corona apakta, uqhamaraqui amparapanccäna uca brazaletsa, juman ucar apanjjañataqui, tata —sasa.

2 Samuel 1:7

Ucapachaw jupajj khepäjja uñtaniraquïna, nayar uñjasinsti jawsaraquituwa. Nayasti jawsataparojj ist'aractwa.

2 Samuel 1:9

Ucat nayarojj jac'aparu jawscatasitu, ucat: ‘Mäpita jiwayjjeta’ sasaw saraquitu. Niya jiwirjamäscaraquïnwa, ucampisa jacascaraquïnwa.

2 Samuel 23:37

Selec sat Amón chekan utjiri jakempi; Beerot chekanquiri Naharai jakempi, jupasti Joab chachan yanapiriparaquïnwa, cawquïritejj Sarvia sat jaken yokapäcaraquïna ucana.

1 Crónicas 10:4

Ucatsti Saúl reyejj arma apnakaña yanapiriparojja sänwa: “Espadama apsusina nayar jiwayita, jan aca jucharar jakenacajj jutasina nayar t'akhesiyasa cusisipjjañapataqui” sasa. Ucampisa arma apnakañana yanapiripajja janiw uqham lurañ muncänti, wali ajjsarayasitap laycu. Ucatsti Saúl reyejj espadapa apsusisinjja, uca espadapjjaruwa liwjjattäna.

1 Crónicas 10:5

Yanapiripajj Saúl reyiru jiwata uñjasinjja, uqhamaraquiw jupajj espadapjjaru liwjjattasina jiwayasjjaraquïna.

1 Crónicas 11:39

amonita Selec ucaraqui; Berot ucanquiri Naharai ucaraqui, jupasti Sarvia chachan Joab yokapan arma apnakañana yanapiripänwa;

Jueces 4:9

Ucatsti Deborajj saraquïnwa: —Uqhamasti nayajj saräwa jumampi chica, ucampis aca nuwasiñana atipjcäta ucajj janiw juman jach'a jach'a tucuñamataquïcaniti, jan ucasti Diosajja, Sisararojja mä warmin amparaparuw catuyani —sasa. Ucatsti Deborajj iyawsasaw Barac chachampi Cedes sat marcaru sarapjjäna.

Jueces 9:55

Ucampis israelitanacajj Abimelec jiwata uñjasinjja utanacaparuw cutt'awayjjapjjäna.

1 Samuel 14:12

Ucat ucspachaw Jonatanampiru yanapiripampirojj art'anipjjäna: “¡Maqhatanipjjam acaru, may jumanacaru yatiyapjjäma!” sasa. Ucat Jonatanajj yanapiriparu saraqui: “Nayar arquita, Tatitojj jupanacarojj israelitanacan amparanacaparuw catuyani” sasa.

1 Samuel 14:13

Jonatanasti cumpucamaquiw uca amsta maqhatawayäna, yanapiripasti khepat arcaraquïna. Cawquïrinacarutejj Jonatanajj korumt'ayancän ucanacarojja, yanapiripaw jiwarayaraquïna.

1 Samuel 14:14

Aca nayrïri nuwasiñansti Jonatanampi yanapiripampejj pä tunca chachanacwa jiwarayapjjäna, mä juc'a horasanaqui.

1 Samuel 14:17

Ucat Saúl reyejj ejercitoparojj saraqui: “Uñarapjjam, qhitinacas jiwasan ejercitosatjja chhakhata, ucanac yatiñataqui” sasa. Uqham uñarasinsti yatipjjänwa, Jonatanampi, yanapiripampi chhakhatätapa.

1 Samuel 14:7

—Take cuntejj amtcta ucanacjja lurascaquim, nayasti uca amtäwinacamanjja yanapascaquïmawa —sasaw yanapirejj saraquïna.

1 Samuel 16:21

Uqhamaw Davidajj Saúl reyin nayrakataparu uñstäna, ucat jupar sirviraquïna. Saúl chachasti wali Davidarojj munasiraquïna, ucat jupan yanapiripatwa uchasiraquïna.

1 Samuel 31:6

Uqhamawa uca urojj Saúl reyejj quimsa yokanacapampi, yanapiripampi, uqhamarac take qhitinacatejj jupampïpcäna ucanacajj jiwarapjjäna.