Jueces 8:24 - Qullan Arunaca

Ucampis nayajj mayipjjsmawa, aparanipcta uca surtijanaca churapjjeta —sasa. Uca kori surtijanacsti enemigonacapäqui uca soldadonacaw uchasipjjäna, jupanacasti inti jalsu tokenquir jakenacäpjjatap laycu.

Aymar Bibliia 1986

Ucampis nayajj mayipjjsmawa, aparanipcta uca surtijanaca churapjjeta —sasa. Uca kori surtijanacsti enemigonacapäqui uca soldadonacaw uchasipjjäna, jupanacasti inti jalsu tokenquir jakenacäpjjatap laycu.

Qullan Arunaka DC

Ukampis nayax may jumanakat mayipxäma, kawkïr sortijanaktix katurat jaqinakat aparanipkta uk churapxita —sasa. Madianita jaqinakaxa, ukhamarak wasaran jakir yaqha jaqinakasa, quri sortijanak uchasipxirïna.

Jueces 8:24 Jak'a apnaqawi uñst'ayäwi

Génesis 24:22

Cunapachatejj camellonacajj umañ tucuyjjapjjän ucqhasti, sirvirejj mä kori anillo tawakorojj churäna, uca anillon pesopasti sojjta gramönwa, ucatsti nasaparuw ucharaquïna, uqhamarus pä brazaletenac churaraquïna, ucanacasti korit luratänwa, pesopasti pataca gramoniraquïnwa,

Génesis 24:53

Ucatsti walja yänaca, korit lurata, kollket lurata yänaca, uqhamarac isinac apsusisinwa Rebecar churäna. Jilaparus, taycaparus regalonacjja churaraquïnwa.

Génesis 25:12

Acanacaw Ismaelan wawanacapajja. Jupasti Abrahamampina Egiptonquir Sara warmin esclavapa, Agar warmin wawapänwa,

Génesis 25:13

wawanacapasti acanacaraquïnwa, nacitatjamajja: Nebaiot, ucasti jilïri yokapänwa; ucjjarusti Cedar, Adbeel, Mibsam,

Génesis 35:4

Jupanacasti take uca yakha diosanacjja Jacoboruw catuyjjapjjäna, uqhamarac jinchunacapan utjcän uca aretenacsa, Jacobosti ucanacjja encinas sat mä koka c'uchuruw allintjjäna, Siquem jac'ana.

Génesis 37:25

Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.

Génesis 37:28

Madianita, alaquipa jakenacajj uca cheka pasquipansti, jilanacapajj uca phuch'ut Josearojj irpsunipjjäna, uca ismaelita jakenacaruw pä tunca kollkeru alj-jjapjjäna. Uqhamwa Josearojj Egipto marcar irpasjjapjjäna.

1 Reyes 20:11

Ucjjarusti Israelan reyipajj qhitaraquïnwa saniñapataqui, aqham sasa: “Janïra horasäquipanjja, jan ‘Atipjtwa’ siscamti” sasa.

Éxodo 12:35

Ucampis israelitanacajj Moisesan arunacaparjamasti egipcionacatjja mayiwayapjjänwa korita, kollketa lurat yänaca, uqhamarac isinacsa.

Éxodo 32:3

Ucatsti take jakenacawa jinchunacapancqui uca kori aretenaca apsusina Aaronan ucaru apapjjäna.

Éxodo 32:4

Aaronasti uca kori aretenac catokasinjja ninampiw umatatayäna, ucatsti mä vaca kallur uñtatwa lursüna. Ucat jakenacajj sapjjänwa: —¡Israel, acawa Egiptota irpsunctam uca diosamajja! —sasa.

Éxodo 32:8

Jupanacasti janc'aquiw saraktapjje nayajj sarapjjam sapcsma uca thaquitjja. Uqhamarac kori umatatayasaw mä vaca kallu lursusipjje, jichhasti ucaruwa yupaychasina sacrificionac loktasipqui. Ucat sapjjaraquiwa: ‘¡Israel, aca diosamawa Egiptot irpsuntamjja!’ —sasa.

Ezequiel 7:20

Uca kori, kollke yänacanïsasti, jach'a jach'aw tucupjje, uca korinacampiw uca ajjtascañ diosanacapsa lurasipjjaraquïnjja. Ucatpï nayajj uca korit lurat yänacapjja k'añu t'unaru tucuyaraquëjja.

Jueces 8:25

Ucampis israelitanacajj mä capa oraker jant'act'asinjja ucarcamaw aparanipcäna uca kori surtijanacjja uchapjjäna, ucat Gedeonarojj sapjjaraquïnwa: —¡Acajja uca surtijanacajja! —sasa.

1 Samuel 25:11

¿Cuna mank'añtejj, uqhamarac umañsa, aychsa, t'awra yawirinacajjataqui waquichcta ucti churäjja uca jan uñt'ata jakenacarojja? —sasa.