Jueces 7:19 - Qullan Arunaca

Uqhamasti Gedeonajja, pataca jakenacampejja campamentota maysa tokeruw puripjjäna, chica arumata guardia lurirejj kalltapcäna uca horasa. Ucatsti ovej wajjra pututunacat pututt'apjjäna, uqhamarac amparanacapancqui uca wacullanacsa p'aquirapjjaraquïnwa.

Aymar Bibliia 1986

Uqhamasti Gedeonajja, pataca jakenacampejja campamentota maysa tokeruw puripjjäna, chica arumata guardia lurirejj kalltapcäna uca horasa. Ucatsti ovej wajjra pututunacat pututt'apjjäna, uqhamarac amparanacapancqui uca wacullanacsa p'aquirapjjaraquïnwa.

Qullan Arunaka DC

Ukhamaw Gedeonampi patak jaqinakapampix campamento uñkatasir puripxäna, kunapachatix chika arumata uñch'ukir soldadonakax lurañap niya qalltapkäna ukapacha. Ukapachaw israelitanakax oveja waxrat lurat pututunakat pututt'apxäna, wayupkän uka wakullanaksa p'akirapxarakïna,

Jueces 7:19 Jak'a apnaqawi uñst'ayäwi

Salmos 2:9

Hierro thujrumpiw jupanacarojj apnakäta, ¡ñek'e phuqhunacarjamaw t'unjaraquïta!” sasa.

Salmos 90:4

Jumataquejj warank marajja, wasür tucusir urur uñtataquiwa, arum ch'amacajj tucusqui uqhämaquiwa.

Éxodo 14:24

Khepärmanthi willjtasti Tatitojj egipcionacajj cawqhancapcäntejj ucqharojj uñch'uquiscänwa nina taypita, uqhamarac kenayata, ucatsti egipcionacarojj jupanacpura jan walt'ayasiñaruw puriyäna.

Mateo 25:6

Niya chica arumäjjän ucqhaw mä arojj ist'asi: ‘¡Niyaw casarasirejj juti, mistunipjjam catokeri!’ sasa.

1 Tesalonicenses 5:2

Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama.

Apocalipsis 16:15

“Amuyasipjjam, nayajj acatjamatwa lunthatar uñtata jutä. Cusisiñanïniw qhititejj suyasqui, uqhamarac isipsa jan k'añuchasquiti ucajja, uqhamata jan k'alala sarnakañapataqui janiraqui jakes uñch'uquiñapataqui mä p'enka k'alalätapjja.”

Jueces 7:16

Ucjjarusti uca quimsa patac jakenacjja, quimsa tamaru jaljasinjja takpachaniruw churaraquïna oveja wajjra pututunaca, uqhamarac ch'usa wacullanaca, ucaru nina akquiri apasipjjañapataqui.

Jueces 7:18

Ucampis cunapachatejj nayajja, uqhamarac nayampi chica sarapqui ucanacampi pututt'apcä ucqhajja jumanacajj campamentoru muyuntasinjja pututt'apjjaraquïtawa, ucat art'apjjätawa: ‘¡Diosampita, uqhamarac Gedeonampita!’ sasa.

Jueces 7:20

Uca pachpa horasasti quimspacha tama jakenacaw ovej wajjra pututunacat pututt'apjjäna, uqhamarac wacullanacsa p'aquirapjjaraquïna. Ucampis ch'eka ampararojja akquir nina apapjjäna, cupi ampararusti oveja wajjra pututuraqui. Ucatsti art'apjjänwa: “¡Nuwasiñäni! ¡Diosampita, uqhamarac Gedeonampita!” sasa.