Jueces 20:34 - Qullan Arunaca

Ucatsi tunca waranka guerrana suma nuwasiña yatir israelitanacaw Gabaa sat marcarojj nuwantapjjäna. Uca nuwasiñansti wali tucjasipjjäna. Ucampis Benjamín sat tribunquirinacasti janiw amuyasipcänti jupanacajj niya aynacht'atäpjjatanacapa.

Aymar Bibliia 1986

Ucatsi tunca waranka guerrana suma nuwasiña yatir israelitanacaw Gabaa sat marcarojj nuwantapjjäna. Uca nuwasiñansti wali tucjasipjjäna. Ucampis Benjamín sat tribunquirinacasti janiw amuyasipcänti jupanacajj niya aynacht'atäpjjatanacapa.

Qullan Arunaka DC

markar katuntapxäna. Tunka waranqa suma nuwasir israelitanakaw Guibeá marka katuntapxäna. Uka nuwasiñansti q'al tukjasipxäna, Benjamín ayllunkirinakasti janiw niya aynacht'atäpxatanakap amuyasipkänti.

Jueces 20:34 Jak'a apnaqawi uñst'ayäwi

Job 21:13

Wali kamiriw sarnakawayapjje, kamiriw jiwawayjjapjjaraqui.

Proverbios 29:6

Ñankha lurir jaken sipitapajja, jupan pachpa jucha luratapawa, ucampis cheka lurir jakesti cusisitaw c'uchiqui jacasi.

Proverbios 4:19

Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa!

Eclesiastés 9:12

Maya toketjja, janipuniw qhitis yatisquiti cuna horasas jupar wact'ani ucjja; cunjämatejj chawllanacajj känan catuntatäpjjejja, jamach'inacas sipitaru jalt'apjjejja, uqhamaraquiw jakejj jan amuycay horasaw mä jan walt'añan catuntat uñjasi.

Isaías 47:11

Ucampis jumjjarojj jan walt'añaw jutani, ch'amacaninacan luratapampisti janiw jarct'cätati; jumjjarojj mä jach'a jan walt'añapuniw jutani, janiraquiw ucat khespcätati; mä jach'a t'akhesiñaw jutani, ucsti janiw jumajj suycäyätati, acatjamatwa jumjjaru jutani.

Mateo 24:44

Ucatpï jumanacajj waquicht'ata suyapjjañamajja, Jaken Yokapasti jan amtat horasaruw jutani.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

Josué 8:14

Cunapachatejj Hai marcan reyipajj uqham pasascatapa uñjasajj, janc'aquiw jupajj takpach ejercitopampi Israel marcar jicjjatañatac saräna Jordán jawir tokeru, jan mayni israelitanacan marca khepäjjar imantasipjjatap yatisina.

Jueces 20:35

Diosasti israelitanacarojj atipjayänwa; uca urojja israelitanacajj pä tunca pheskan waranka patacani jakenacwa jiwarayapjjäna Benjamín sat tribunquirinacjja.