Jueces 2:22 - Qullan Arunaca

Uqham Diosajj arsusinsti israelitanacarojj uñjañwa munäna Diosan thaquipana sarapjjaspati, cunjämtejj nayra awquinacapajj sarapcäna uqhama, jan ucajj janicha uca yatiñataqui.

Aymar Bibliia 1986

Uqham Diosajj arsusinsti israelitanacarojj uñjañwa munäna Diosan thaquipana sarapjjaspati, cunjämtejj nayra awquinacapajj sarapcäna uqhama, jan ucajj janicha uca yatiñataqui.

Qullan Arunaka DC

Tatitusti ukampix israelitanakaruw yant'añ munäna, Diosan thakhipan sarapxaspati, kunjämtix nayra awkinakapax sarapkatayna ukhama, jan ukax janicha.

Jueces 2:22 Jak'a apnaqawi uñst'ayäwi

Génesis 22:1

Mä kawkha tiempo pasatatsti Diosajj Abrahaman iyawsañapwa yant'äna. Sutipatwa art'anïna, jupasti saraquïnwa: —Acanctwa —sasa.

2 Crónicas 32:31

Cunapachatï babilonianquiri autoridadanacajj qhitanaca qhitancäna, marcan cuna lurasïwinacatejj lurascäna ucanac yatjjatiri ucqhajja, Diosajj Ezequiasarojj sapacwa jaytäna jupar yant'añataqui, uqhamarac chuyma mankhena lup'ïwipa ut'añataquiraqui.

Job 23:10

Jupaw sarnakäwejja yati; yant'atsti suma k'omachata korjamaw misturaquëjja.

Salmos 66:10

Diosay, jumaw yant'arojj puriyapjjesta, kollkerjamaw k'omachsupjjesta,

Éxodo 15:25

Ucampis Moisesajj Tatituruw mayïna, ucatsti Tatitojj juparojj mä koka uñacht'ayi. Ucat Moisesasti uca kokampiw umar jakontäna, umajj mojjsaw tucuwayjjäna. Uqhamaw Tatitojj uca chekanjja iyawsañanacap yant'äna, uqhamarac churaraquïnwa leyinaca jupanacan suma sarnakapjjañapataqui.

Proverbios 17:3

Korisa, kollkesa ninamp yant'atawa; jaken amtatanacapsti Tatituw yant'araqui.

Deuteronomio 13:3

ucqhajj jan jumanacajj jupanacaru ist'apjjamti; Tatitu Diosamasti jumanacaruwa yant'añ munapjjtam, take chuymampiti, uqhamaraqui take jacañamampiti juparu munapjjta janicha ucanacata.

Deuteronomio 8:16

Ucatsti wasaranjja maná sat mank'a mank'ayapjjtam, cawquïri mank'tï jumanacan awquinacamajj jan uñt'apcäna, jupanacan llamp'u chuymanïñ yatekapjjañapataqui, uqhamwa ucanacajj jumanacan asquimataquiraquïnjja.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Jueces 2:23

Ucatwa Diosajj uca marcanacjja jan mäq alisnuccänti ni Josué chachan amparaparus catuycaraquïnti alisnucuñapataqui, jan ucasti jaytänwa pachpa orakena kheparasa jacapjjañapataqui.