Ucampis Davidaw Diosan arcapjja apatayna Queriat-jearim sisqui uca chekata, cawqharutejj jupajj mä cheka waquichcäna uca chekcama, jupasti Jerusalén marcanjja mä carpwa waquichäna.
Jueces 18:12 - Qullan Arunaca Jupanacasti Judá sat orakerojj wali armantataw purintapjjäna, ucasti Quiriat-jearim sat chekatjja inti jalanta tokenquiwa. Uca chekasti jichhürunjja Dan satan campamentopawa sasa sutichatawa. Aymar Bibliia 1986 Jupanacasti Judá sat orakerojj wali armantataw purintapjjäna, ucasti Quiriat-jearim sat chekatjja inti jalanta tokenquiwa. Uca chekasti jichhürunjja Dan satan campamentopawa sasa sutichatawa. Qullan Arunaka DC ukatsti Judá chiqar purisin ukawjan utjnuqtapxäna, Quiriat-jearim chiqat inti jalanta tuqina, kawki chiqatix jichhax Dan chachan campamentopa satäki uka chiqana. |
Ucampis Davidaw Diosan arcapjja apatayna Queriat-jearim sisqui uca chekata, cawqharutejj jupajj mä cheka waquichcäna uca chekcama, jupasti Jerusalén marcanjja mä carpwa waquichäna.
Uqhamaraqui Quiriat-baal marca, cawquïritï Quiriat-jearim satäcaraquïna, uca quipcaraqui Rabá marca, takpachasti pä marcanaca, jisc'a marcanacamp cuna.
Muytasincaquïnwa kollu patanjama Neftoa sat uma jalsucama sarakasa, Efrón kolluna marcanacapar puriñcama, uqhamaraqui Baala chekanjam pasasina, cawquïritï Quiriat-jearim sutinïcaraqui.
Ucatsti israelit jakenacajj Gabaón marcar puriñcamaw sarapjjäna, quimsa urunjja puripjjänwa gabaonitanacan marcaparojja cawquïrinacatï Gabaón, Cafira, Beerot, Quiriat-jearim sutinïna uca marcanacaru.
Mä urusti Sansón chachajj Zora, Estaol sat marcanac taypincqui, uca Dan tribun campamentopancquipanjja Diosan ajayupawa jupana uñstäna.
Sojjta pataca jakenacaw Dan sat tribunquiritjja Zora, Estaol sat chekanacatjja wali nuwasiñ armanacampiw mistsupjjäna.
Ucqhatsti Efraín sat kollunacaruw sarapjjäna; puripjjaraquïnwa Micaian utaparu.
Ucatsti Quiriat-jearim chekanquir jakenacarojj aca ewjja apayapjjäna: “Filisteo jakenacajj Tatitun arcapa cutt'ayanjjapjjewa, jichhajj jutapjjam ucatsti apasjjapjjaraquim” sasa.
Uqhamasti Quiriat-jearim chekan utjasir jakenacajj jutasinjja Tatitun arcapjja apasjjapjjänwa, Abinadab sat jaken utaparuw jaytapjjaraquïna, ucasti mä kollu patancänwa; Eleazar yokaparuraquiw Tatitur catuyapjjäna uca arca uñjañapataqui.