Jueces 18:10 - Qullan Arunaca Uca chekar purisinsti jicjjatapjjätawa wali cusisita jakenaca jach'a orakenacani, jupanacarusti janiw cunas pist'quiti. Diosawa uca orakenacjja churapjjätam —sasa. Aymar Bibliia 1986 Uca chekar purisinsti jicjjatapjjätawa wali cusisita jakenaca jach'a orakenacani, jupanacarusti janiw cunas pist'quiti. Diosawa uca orakenacjja churapjjätam —sasa. Qullan Arunaka DC Ukawjar purisinsti jaqirux wali kusisita, jach'a uraqinakani jikxatapxäta, jupanakarux janiw kunas pist'kiti. Diosaw uka uraqinak churapxätam —sasa. |
Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.
Uca urusti nayajj jupanacarojj arsuraquïyätwa, uca Egipto oraket apsjjañataqui, cawquïri marctejj nayajj jupanacataqui thakcäyät ucaru irpsjjañataqui, cawqui marcantejj leches misq'is umjam jalasqui ucaru. ¡Take marcanacat sipansa juc'ampi suma marcäquejj ucaru!
Cunjämtï Seir kollun jaquirinaca Esaú chachan wawanacapajj lurapquitu uqhama, uqhamaraqui Ar chekan jaquiri moabita jakenacasa, Jordán jawir qhurcatar maqhatañcama, uqhamata cawquïri oraktï nanacan Tatitu Diosajjajj churapquitu ucar puriñcama’ sasa.
“Jichhasti Israelit jakenaca, ist'apjjam cawquïri leyinactï, yatichapcsma ucanaca. Uqhamarac uca leyinacar phokhasarac sarnakapjjam, jacapjjaraquimsa, cawquïri oraktï awquinacaman Tatitu Diosapajj churapctam ucanjja.
Aca orakenquir kamirinacarojj sañamawa: “Jan jach'a jach'a tucupjjamti” sasa, janiraqui kamir cancañaparus alcatasipjjpati, ucanacasti tucusiriquiwa. Ucat sipanjja jacquiri Diosaru catuyasipjjpan, qhititejj take cunsa jilarquir churquistu cusisit jacañasataqui ucaru.
Ucatsti uca pani jakenacajj kollunacat cuttanjjasinjja, uqhamarac Jordán jawir pasasinjja, Josué chacha thiyaruw puripjjäna take cunanacatï jupanacar pascatayna ucanac yatiyasa.
Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.
Cunapachatejj sacerdotenacajj pututunacap phust'apjjäna pakallko cutina ucqhajj, Josué chachasti takpacha Israel marcaruw säna: “¡Jichhasti jach'at art'apjjam! Diosasti Jericó marcjja jumanacaruw catuyapjjtam.
Sojjta pataca jakenacaw Dan sat tribunquiritjja Zora, Estaol sat chekanacatjja wali nuwasiñ armanacampiw mistsupjjäna.
Ucampis danitanacajj, Micaiajj lurcäna uca yänacampi, sacerdotepampi Lais sat marcaruw puripjjäna. Ucansti jakenacajj sumaqui wali cusisitaw jacasipcäna, uqhamaruwa danitanacajj take jakenacarojj espadampcama jiwarayapjjäna, uqhamarac marcsa ninampiraquiw phichhantapjjaraquïna.
Ucatjja uca pheska uñakerinacajja Lais sat marcaruw sarapjjäna. Uca marcansti jakenacajj wali cusisitaw jacasipjjäna sidonionacan sarnakäwinacaparjama. Jupanacasti suma samarañanwa jacasisipcäna jani qhitinsa arjjayata, janiraquiw cunas jupanacataquejj pist'caraquïnti. Sidonios sat jakenacatsti jayancapjjaraquïnwa, janiw qhitimpis parlapcjjänti.
—Nanacajj uca chekanacjja uñjanipjjtwa; ucan orakenacajj wali sumawa. Jichhasti ¡sarantañäni jupanacar nuwantiri! ¡Jan jumanacajj ucqhanaqui konupjjamti jan cunsa lurasajja! ¡Waquisiwa uca orakenaca catuntasir sarañasajja!