Jueces 16:16 - Qullan Arunaca Dalilajja, Sansón chacharojj sapa horasapuniw uqhama jiscjjäna jan inact'asa. Uqhama ancha jisqhitasti Sansón chachajj jiwañwa munjjäna. Aymar Bibliia 1986 Dalilajja, Sansón chacharojj sapa horasapuniw uqhama jiscjjäna jan inact'asa. Uqhama ancha jisqhitasti Sansón chachajj jiwañwa munjjäna. Qullan Arunaka DC Dalilax jan inakt'asapuniw jiskhïna, sapa kutis ukak jiskhiskäna, Sansonasti wali mayjt'ataw uñjasxäna, jiwañak munxäna; |
Diosasti juparojj saraquïnwa: —¿Waliquïsquiti ricino ali pharsjjatapat colerasitamajja? — sasa. —Jïsa, waliquïsquiwa, coleratwa nayajj jiwascta —sasaw Jonasajj arsusi.
Jesusasti sascaquïnwa: —Acajj nayan wilajjawa [machak] arsüwi phokhañataqui. Walja jakenac laycuw wartasi.
Sapjjsmawa, amigopätap laycojja janis sartcpan cun churiri, ucampis jan juc'amp majasiñap laycojja sartaniwa, ucatsti take cuntejj mayqui ucanac churaraquini.
Ucampis aca ijma warmin nayar sinti jutatap laycojja, ist'äw quejapjja jan juc'amp colerayir jutascañapataqui’ ” sasa.
Ucatsti jupajj Sansón chachaparojj jachasisaw saraqui: —¡Jumajja janiw nayarojj munquistati! ¡Jumasti nayarojj uñisistawa! Marcanquirinacajjarojja mä yatjjataña churtajja yatjjatapjjañapataqui, ucampis nayarojja cun sañtejj munqui ucjja janiw yatiyaña munquistati —sasa. Sansón chachasti ucat saraquïnwa: —Ucsti janiw nayajj awquejjarusa, ni taycajjarusa yatiycti, ¿ucatti jumarojj yatiyirismajja? —sasa.
Ucatsti Sansón chachan warmipajja pakallko urpacha fiestanwa chachap jac'anjja wali jachäna. Uqham sinti jachir uñjasinsti chachapajj juparu qhuyapt'ayasaw uca yatjjatañajj cun sañtejj munqui ucjja yatiyäna. Ucatsti warmipajja janc'aquiw marcanquirinacaparojja yatiyiri saräna.
Ucatsti Dalilajj sascaquïnwa: —¡C'ari! ¿Cunatraqui ‘Nayajj munsmawa’ sistasti? Acampejj quimsa cutiwa nayampejj sawcasistajja. Ucampis janiw yatiyquistati cawqhatsa ch'amamajj juti ucjja —sasa.
Khepjjarusti uca jan arscañjja Dalilarojj chekwa yatiyjjäna: —Nayarusti janiw qhitisa cunapachas ñic'utajj-jja mururapquituti, nayasti nazcta ucqhatpachawa mä nazareojama Diosaru loktatätjja. Ucampis ñic'utajjtejj mururapjjetasma ucajja nayajj jan ch'amanïjjeristwa mä cawquïr jacjamaqui —sasa.