Jueces 15:19 - Qullan Arunaca

Ucatsti Diosajj Lehi sat chekancqui uca p'iyatjja uma mistsuyanïna. Sansón chachajj uca jalsunir uma umt'asinjja jacatatänwa. Ucat Lehi sat chekancqui uca uma jalsurojja jichhürcamajj En-hacore sas sutichapjje.

Aymar Bibliia 1986

Ucatsti Diosajj Lehi sat chekancqui uca p'iyatjja uma mistsuyanïna. Sansón chachajj uca jalsunir uma umt'asinjja jacatatänwa. Ucat Lehi sat chekancqui uca uma jalsurojja jichhürcamajj En-hacore sas sutichapjje.

Qullan Arunaka DC

Tatitusti Lejí chiqan mä p'iyat um jalsuyäna, Sansonasti uka jalsur umat umt'asinxa, jakatatänwa. Ukat jichhürkamasa Lejí chiqankki uka uma jalsux En-hacoré sas sutichata, ukasti “Achikt'asirin uma jalsupa” sañ muni.

Jueces 15:19 Jak'a apnaqawi uñst'ayäwi

Génesis 16:13

Cunjämatejj Agarajj Tatitumpi parlataynajja, “Uñjiri Dios” sasaw sutichäna, saraquïnwa: “Diosaw nayarojj uñjasquitu, jichhas jacascaractwa” sasa.

Génesis 28:19

Uca chekansti nayrajj mä marcaw utjatayna, ucasti khana marca satänwa, ucampis Jacobojj uca marcan sutipjja trocänwa Betel sutimpi.

Génesis 30:30

Janïr nayajj purincäyät ucqhajj uywanacamajj juc'aquïnwa, jichhasti waljäjjewa, purincta ucat acsarusti Tatitojj bendistamwa, ucampisa, ¿cunapacharac nayasti pachpa familiajjataqui irnakasjjaraquïsti? —sasa.

Génesis 45:27

Ucampisa, cunapachatejj jupanacajj cuntejj Joseajj siscatayna ucanac avist'apjjäna, uqhamarac Joseajj apaycatayna uca carronacsa uñjän ucqhasti walpun cusisïna,

Salmos 110:7

Jalasquir umat thaquipan umt'ani, umasti machak ch'am churani.

Salmos 120:1

Llaquisiñajjan Tatitur art'asta, jupasti ist'ituwa.

Salmos 34:6

Tatitur art'asir llaquit jakerojj, jupajj ist'iwa, take llaquinacapat waysuraqui.

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Éxodo 17:15

Ucat Moisesajj mä altara waquicht'asinsti “Tatituw nayan wiphalajjajja” sasaw sutichäna.

Isaías 40:26

Alajjpach uñtapjjam ucatsti uñatatapjjaraquim: ¿Qhitis take ucanac uscojja? Qhititejj jupanacar mayat mayat jalanokqui ucajj sapakat mayniruw sutitcam jawsaraqui. Wali jach'aw ch'amapajja munañanïñapasa, janiraquiw maynis chhakquiti.

Isaías 40:29

Jupaw karitarojj ch'am churi, pisi ch'ama jakerusti ch'am yapt'araqui.

Isaías 44:3

wasaran nayajj uma jalayä, waña orakensti jisc'a jawiranac jalayaraquï. Wawanacamarusti mä machak jacañ churä, bendicionajjsa jupanacjjarojj apayaniraquïwa.

Números 20:11

Moisesasti uca arunac arsusinjja amparap altoruw aytäna, ucatsti pä cutiw thujrupampi karkaru jisctäna, ucatsti walja umaw jalsüna. Uqhamatwa jakenacasa, uywanacasa umarapjjäna.

Jueces 15:9

Filisteonacajja jutasinjja Judá orakenacata Lehi satcamaw campamentonacapa sayt'ayasipjjäna.

1 Samuel 30:12

Mä higo q'isampi, pä wayta waña uvampi churapjjäna. Uc mank'antasinsti egipcio jakejja cutitatjjänwa, quimsürumpi quimsa arumampiraquiw jan cunsa mank'cataynati.