Jueces 13:5 - Qullan Arunaca

Jumasti usuriptasajja mä yokall wawanïyätawa, juparusti janiw ñic'utapjja qhuchhuraraquïtati. Uca wawasti Diosaru loktatäniwa janïra nazqui ucqhatpacha. Jupawa Israel marcajj-jja filisteonacan t'akhesiyatäñatjja khespiyani” sasa.

Aymar Bibliia 1986

Jumasti usuriptasajja mä yokall wawanïyätawa, juparusti janiw ñic'utapjja qhuchhuraraquïtati. Uca wawasti Diosaru loktatäniwa janïra nazqui ucqhatpacha. Jupawa Israel marcajj-jja filisteonacan t'akhesiyatäñatjja khespiyani” sasa.

Qullan Arunaka DC

jumax yuqall wawanïyätawa, jupan ñik'utapax janiw khuchhuratäñapäkiti, uka wawax nazireo jaqjam, janïr yurkipan Diosar luqtatäniwa, jupaw Israel markarux filisteonakan amparapat qhispiyani” sasa.

Jueces 13:5 Jak'a apnaqawi uñst'ayäwi

2 Samuel 8:1

Take acanac khepatsti Davidajj filisteonacaruw atipjäna, jupanacarusti apnakaraquïnwa, uqhamaraqui apnakañanacapsa apararaquïnwa.

1 Crónicas 18:1

Uca khepatsti Davidajj filisteonacaruw atipjäna, jupanacaru munañaparu apnakasa, Gat sat marcsa amparanacapata aparäna, uqhamarac jisc'a marcanacapsa.

Amós 2:11

Janiw jan yatirejj tucupcasmati, Israelitanaca, jumanac quipcatwa yakhepanacarojj profetanaca, tucuytjja, mayninacarojj nazareonacaraqui.” Uqham siwa Tatitojja.

Números 6:5

Janiraquiw ñic'utapsa mururascaniti, jan ucasti jilantayasiniwa cunapachcamatejj arupampi arsqui uca phokhasiñapcama, Tatituru catuyataraquiw sayt'asiñapa.

Lucas 1:15

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Jueces 16:17

Khepjjarusti uca jan arscañjja Dalilarojj chekwa yatiyjjäna: —Nayarusti janiw qhitisa cunapachas ñic'utajj-jja mururapquituti, nayasti nazcta ucqhatpachawa mä nazareojama Diosaru loktatätjja. Ucampis ñic'utajjtejj mururapjjetasma ucajja nayajj jan ch'amanïjjeristwa mä cawquïr jacjamaqui —sasa.

1 Samuel 1:11

aqham sasa: “Take ch'aman Tatitu, jumatejj aca sirviriman t'akhesitap uñtanïtajja, ucat nayat amtasiraquitätajja, mä wawsa apayaraquïtätajja, nayajj uca wawa jumar sirviritaquiw uywä, uca arsüwiru phokhañataquisti, señälajj acäniwa: Janiw ñic'utapajj mururascaniti” sasa.

1 Samuel 7:13

Filisteo jakenacasti atipjatäpjjänwa, janiraquiw mayampsa Israel marcarojj nuwiri jutcjjapjjänti; Samuelon jacañapcamasti Tatitojj filisteonac contrapunïnwa.