Jueces 11:27 - Qullan Arunaca

Ucampis nayajj janiw cuna jan wals lurcsmati, jan ucasti jumawa jan wali lurtajja nanacampi nuwasiri jutasinjja. Jichhasti Diosawa cheka uñjir juezajja, jupawa cunjämarusa cheka uñjani israelitanacampiru, amonitanacampirojja” sasa.

Aymar Bibliia 1986

Ucampis nayajj janiw cuna jan wals lurcsmati, jan ucasti jumawa jan wali lurtajja nanacampi nuwasiri jutasinjja. Jichhasti Diosawa cheka uñjir juezajja, jupawa cunjämarusa cheka uñjani israelitanacampiru, amonitanacampirojja” sasa.

Qullan Arunaka DC

Nayax janiw jumarux kuna jan walsa lurksmati. Jumaw nanakampi nuwasir jutasax jan wal lurasipkista. Ukampis Tatituw chiqapar uñjirixa, jupaw israelitanakampiru, amonitanakampirux taripaskani” sasa.

Jueces 11:27 Jak'a apnaqawi uñst'ayäwi

Génesis 16:5

Ucatsti Sarai warmejj Abramarojj sänwa: —¡Jumaw juchanïtajj Agaran nayar jisc'achañapataquejja! Naya quicpaw juparojj warmimat chursma, jichhasti wawanëjjasinsti nayatsa juc'ampïcjjaspas uqhamwa amuyasjjejja. Tatituy sispan qhitis juchanïtan ucjja, jumati jan ucajj nayacha —sasa.

Génesis 18:25

¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Génesis 31:53

Jichhajj Abraham achachilaman, uqhamarac Nacor achachilajjan Diosapay uñjpan —sasa. Jacobosti uqhamajj cawquïri Diosarutejj Isaac awquipajj yupaychcäna ucan sutipjjaruw juramento luräna.

2 Crónicas 20:12

Nanacan Diosajja, ¿janit jumajj jupanacar mutuycätajja? Nanacansti janiw ch'amanacajjajja utjapquituti uca jach'a ejercitojj nuwir jutapquitu ucampi nuwasiñataquejja. ¡Nanacasti janiw cun lurañataquis ch'amanïpcti, ucatwa jumaruqui utanipjjsmajja! ” sasa.

Job 23:7

ucatsti yatiraquispawa arsusitajjan chekapätapapuni; nayarusti chekaparuw uñjitaspa, ¡ucatsti jan mayampitaqui wiñayataquiw qhitanucjjaraquitaspa!

Job 9:15

Jan juchanïquiristsa, janiw jupa tokjja arsusquiristti; jupaw nayaru uñjiri juezajja, jupatsti qhuyapt'ayasiñacwa mayiristjja.

Salmos 50:6

Alajjpachasti Diosan asqui cancañap yatiyi, pachpa Diosaw taripirit sayt'i.

Salmos 7:11

Diosajj chekapar uñjañamp taripiriwa, take pachan ñankharojj juchañchasqui.

Salmos 75:7

Jan ucasti, Diosaquiw taripirejja: mayninacarojj aynacht'ayiwa, yakhanacarusti jach'aruw aptaraqui.

Salmos 82:8

Diosay, sartasiquimaya, orakerojj taripamaya, jumanquiw takpach marcanacajja.

Salmos 94:2

Jumaw acapachar taripirïtajja, sartasiquimaya, jach'achasirinacarojj lurataparjamay phokhañcham.

Salmos 98:9

orak apnaker jutir Tatitutaqui. Jupaw chekapar uñjañampejj oraker apnakani, marcanacarusti chekaparuw qhusqhac uñjani.

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 12:14

Diosajj take luratanacasatwa wayt'istani, walitsa jan walitsa, jan uñjcat luratanacatsa.

2 Corintios 11:11

¿Cunatsa aqham parltjja? ¿Janich jan ucajj jumanacar munapcpachäsmajja? Diosajj yatisquiw walpun munapcsma ucjja.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

2 Timoteo 4:8

Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

Hebreos 12:23

uqhamarac Diosan wawanacapan tantachasïwinacaparu, ucanacajj alajjpachan kellkantatawa. Takenin Diosapäqui uca Juez thiyarus jac'achasipjjaractawa, qhitinacatejj k'omachatäpqui uca asqui jakenacan ajayuparusa.

Jueces 11:28

Uqhama Jefté sat chachan yatiyäwi arunacapa ist'casinsa amonitanacan reyipajj janiw jaysañ muncänti.

1 Samuel 2:10

Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.”

1 Samuel 24:12

¡Tatituy jichhajj jiwasa paniniru uñjistpan, ucatsti juchañcharaquitpan juma contra juchajj utjchitu ucapachajja! Ucampisa nayajj janipuniw amparajj aytcäti jach'a rey contrajja.

1 Samuel 24:13

Nayra tiempo mä säwisti saraquiwa: ‘Ñankha lurañajj ñankha jakenacatwa juti’ sasa. Uca laycu nayajj janipuniw jach'a reyi contrajj amparajj aytcäti.

1 Samuel 24:15

Uca laycu, Tatituqui jiwasa paninirojj uñj-jjestpan. ¡Juparaqui naya toketjja uñjitpan, jach'a reyitsa arjjataraquitpan!”

1 Samuel 24:16

Cunapachatejj Davidajj parlañ tucuyjjän ucqhasti, Saúl reyejj jach'at art'asiraquïna: —¡Jumätawa, David, nayan wawajjajja, jumaw parlasquista! —sasa. Ucatsti jacht'asisaw,