Juan 7:47 - Qullan Arunaca

Fariseonacajj ucjjarojj saraquïnwa: —¿Jumanacamppachat sallkjayasipjjta?

Aymar Bibliia 1986

Fariseonacajj ucjjarojj saraquïnwa: —¿Jumanacamppachat sallkjayasipjjta?

Qullan Arunaka DC

Fariseonakax ukxarux sarakïnwa: —¿Jumanakas sallqjayasipxaraktati?

Juan 7:47 Jak'a apnaqawi uñst'ayäwi

2 Reyes 18:29

‘Jan Ezequiasampi sallkjayasipjjamti; jupasti janiw amparajjata khespiyapquiristamti’ sasa.

2 Reyes 18:32

Ucatsti jumanacarojj yakha orakeruwa apapjjäma jumanacan orakemar uñtatawa, cawquintejj achqui trigosa, uvasa, t'ant'a, vino lurañataqui, ucan utjaraquiwa olivo ucat lurat aceite, misq'isa. Ucatsti sumaquiwa jacasipcäta, janiw jiwapcätati. Ucampis Ezequiasarojj janipuni ist'apjjamti, jupajj c'arintapjjätamwa ‘Tatituw khespiyistani’ sasajja.

2 Crónicas 32:15

Ucampisa jan Ezequiasampi sallkjayasipjjamti, ni suma arunacapampisa; jan jupar iyawsapjjamti, uca marcanacana qhiti diosapasa jan ch'amanïcchi marcaparu khespiyañataqui, nayan ch'amajjata uqhamarac nayra awquinacajjatsa ucajja. Ucatsa juc'ampiwa jumanacan Diosamajja ch'amajjatjja janiw khespiyapcätamti” sasa.

Mateo 15:3

Jesusasti jupanacarojj jisct'araquïnwa: —Jumanacasti ¿cunataraqui Diosan camachinacapsti jan phokhapjjaractasti, awquinacaman amtäwinacaparuqui arcañataquisti?

Mateo 27:63

sapjjaraquïnwa: —Tata, nanacajj amtasipjjaractwa cuntejj uca c'ari parlir jakejj siscänsa uca. Jupasti saraquïnwa: ‘Quimsürut jactawayjjä’ sasa.

Juan 7:12

Walja jakenacaw jupjjat parlapjjäna. Mayninacajj sapjjänwa: “Suma jakewa” sasa; ucampis mayninacajj sapjjaraquïnwa: “Janiw wali jakequiti, jakerojj sallkjiwa” sasa.

2 Corintios 6:8

Horasajj jach'ar aptatäpjjtwa, horasasti jisc'achatäpjjaractwa. Horasajj jan walinac nanacjjat parlapjje, horasasti walinacraqui; horasajj c'ari jakenacarjamaw uñjapjjetu, ucampis chekwa parlapjjta.