Juan 19:29 - Qullan Arunaca

Ucawjan mä chatuw utjäna c'allc'u vinomp phokt'ata, ucatsti mä esponja aptasinwa uca c'allc'u vinor chilltapjje, ucatjja hisopo sat alin laymiparu chincatasinwa Jesusan lacaparu chillcatapjje.

Aymar Bibliia 1986

Ucawjan mä chatuw utjäna c'allc'u vinomp phokt'ata, ucatsti mä esponja aptasinwa uca c'allc'u vinor chilltapjje, ucatjja hisopo sat alin laymiparu chincatasinwa Jesusan lacaparu chillcatapjje.

Qullan Arunaka DC

Ukawjansti mä chatuw k'allk'u vinompi phuqhantat utjäna, ukatsti mä esponja aptasin uka k'allk'u vinoruw chilltapxäna, ukat hisopo sat alin laymipar chinkatasin Jesusan lakapar chillkatapxäna.

Juan 19:29 Jak'a apnaqawi uñst'ayäwi

1 Reyes 4:33

Parlänwa kokanacata, uqhamarac alinacata, Libanonquir uca cedrota kalltasina perkanacana alquis uca ch'ojjña koranaccama; uqhamaraquiw parlaraquïna animalanacjjata, jamach'inacjjata, orakenjam katatnaktas sarnaker animalanacjjata, uqhamarac chawllanacatsa.

Salmos 51:7

Hisopo alimp ch'ajjch'uquipita: nayasti k'omachataw uñjasï; jarekt'itaya, nayasti qhunut juc'amp jank'ow tucjjä.

Éxodo 12:22

Wilsti mä lamanaruw catokapjjäta, ucatsti hisopo sat alinaca picht'asinjja ucampiwa wilaru chilltasa uta puncu paypach marcoru, uqhamarac puncu amstaru jawsupjjäta. Ucatsti janiw maynis utat mistupjjätati khepärmanthi khantatcama.

Números 19:18

Ucatsti mä k'omachat jakew mä hisopo rama aptasinjja umaru juricht'ani, ucampiw carparu ch'allaquipani, vasijanacaru uqhamarac cawquïri jakenacatejj ucan jicjjatasipqui ucanacaru, uca quipcaraqui cawquïritejj ch'aqhanacsa, jiwayat jaken janchinacapsa, jupa quipca jiwcatayna ucan janchipsa, sepulturanacsa llamct'catayna ucarusa.

Mateo 27:34

Ucansti Jesusarojj churapjjänwa vinompi chhajjrtata mä c'allc'u vinagre. Jesusasti uc mallt'asinjja janiw umañ muncänti.

Mateo 27:48

Maynisti uc ist'asinjja ucspachaw mä esponja aptanïna vinagreru chilltasinsti mä lawar usct'asinwa lacapar apcatäna umt'añapataqui.

Mateo 27:50

Jesusasti wasitat jach'at art'asiraquïnwa, ucatsti jiwt'awayjjänwa.

Marcos 15:36

Maynisti jaltanisinjja, mä esponja vinagrer chilltäna, ucatsti mä sokosar uchasaraquiw Jesusan umt'añapatac aycatäna: —Jan camachapjjamsa. Uñjañäni, camisaquiy Eliasajj jupar khespiyir jutchini —sasa.

Lucas 23:36

Uqhamaraquiw soldadonacas jupatjj larusipjjäna jac'achasisinsti, c'allc'u vinagre loktapjjäna.