Juan 19:20 - Qullan Arunaca

Walja judionacaw uca kellkatjja leepjjäna, Jesusar ch'accatapcän uca chekajj marca jac'ancatap laycu. Uca kellkatasti hebreo, griego, latín arunacana kellkatänwa.

Aymar Bibliia 1986

Walja judionacaw uca kellkatjja leepjjäna, Jesusar ch'accatapcän uca chekajj marca jac'ancatap laycu. Uca kellkatasti hebreo, griego, latín arunacana kellkatänwa.

Qullan Arunaka DC

Walja judionakaw uka qillqat ullarapxäna, Jesusar ch'akkatapkän uka chiqan marka jak'ankatap layku. Uka qillqatasti hebreo aruna, griego aruna, latín arun qillqatänwa.

Juan 19:20 Jak'a apnaqawi uñst'ayäwi

Lucas 23:38

P'ekep patansti mä kellkataw utjäna, [griego, latín, hebreo arunacana] kellkata, “Acajj Judionacan Reyipawa” —sänwa.

Juan 19:13

Pilatojj uc ist'asinjja, Jesusaruw irpsuyanïna, jupasti tribunalanwa kont'asi, hebreo arunjja Gabata satäquis uca chekaru, ucasti Empedrado sañ muni, ucawjaru.

Juan 19:42

Uca sepulturaruw Jesusan janchip imapjjäna, jac'ancatap laycu, judionacan samarañ urupajj jac'achasinjjatap laycuraqui.

Juan 5:2

Jerusalenansti Ovej uyu puncu sat jac'an mä uma estanquew utji, hebreo arunjj Betesda sata, ucasti pheska jach'a puncunïnwa.

Hechos 21:37

Cunapachatï Pablorojj cuartelar irpantañataquïsipcän ucqhajja, jupajj comandanterojj sänwa: —¿Mä juc'a arunac arst'asiristti? —sasa. Comandantesti sänwa: —¿Griego parlañ yattati?

Hechos 21:40

Comandantesti Pablorojj: “Arst'ascaquim” sänwa, Pablosti gradar sayt'asisinjja amparap loktasinwa jakenacarojj amuct'ayi. Jakenacan amuct'atapatsti jupajj hebreo arut arsuni:

Hechos 22:2

Hebreo arut parlir ist'asinsti, jupanacajj juc'ampwa amuct'jjapjjäna. Pablosti jupanacarojj sänwa:

Hechos 26:14

Ucatsti takeniw oraker liwirtapjjta. Nayasti mä aru ist'aracta, hebreo aruta aqham siri: ‘Saulo, Saulo, ¿cunats arcnakesta? Wali ch'amaw jumataquejj nayataqui sayt'añamajja. Juma pachpaw chhojjriñchjastajj cunjämatejj mä vacajj mä ari fierror mat'akt'asajj jupa pachpa usuchjasejja uqhama’ sasa.

Hebreos 13:12

Uqhamaraquiw Jesusajj marcat ankana jiwayatäna, jakenacaru suma k'omachañataqui jupan pachpa wilap toke.

Apocalipsis 16:16

Ucatsti reyinacarojj Armagedón satäquis uca chekaruw tantachapjjäna. Uca sutisti hebreo sutiwa.

Apocalipsis 9:11

Uca t'ijut'ijunacasti mä jilïrinïnwa, uca jilïripasti uca ch'amac mankhat mistuniri angelänwa. Aca angelasti hebreo arunjja Abadón satänwa, griego arunsti Apolión sataraqui, ucajj t'unjiri, sañ muni.