Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.
Juan 13:38 - Qullan Arunaca Jesusasti ucjjarojj sänwa: —¿Naya laycu jacañam churañataquejj janc'aquïtati? Khanacwa sisma, janïra wallpa art'quipanwa jumajj quimsa cuti nayar jan uñt'ir tucüta —sasa. Aymar Bibliia 1986 Jesusasti ucjjarojj sänwa: —¿Naya laycu jacañam churañataquejj janc'aquïtati? Khanacwa sisma, janïra wallpa art'quipanwa jumajj quimsa cuti nayar jan uñt'ir tucüta —sasa. Qullan Arunaka DC Jesusasti juparux sarakïnwa: —¿Naya layku jakañam churañatakix jank'akïtati? Qhanak sisma, wallpa janïr art'kipan jumax kimsa kuti nayar jan uñt'ir tuküta —sasa. |
Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.
Jan amuyt'an jakewa, jupa pachpan amuyt'aparu alcatasqui ucajja, ucampis qhititejj yatiñ cancañampi cunsa lurqui ucawa khespiyatäni.
Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.
Jesusasti ucapachajj sänwa: —Khanacwa sisma, jichha arumaw jumajj janïr wallpa art'quipanwa nayarojj jan uñt'ir tucüta.
Jesusasti juparojj saraquïnwa: —Khanacwa sisma, jichha arumpachaw nayar jan uñt'irejj tucüta. Quimsa cutiw jumajj jan uñt'quitasmas uqham tucüta, wallpajj janïr pä cuti art'quipana.
Simonajj sänwa: —Tata, janc'aquïtwa jumampi sarañataquejja carcelarusa uqhamarac jumamp chic jiwañataquisa —sasa.
Jesusajj juparojj sänwa: —Pedro, sismawa, jichhürpachaw janïra wallpajj art'quipan jumajj quimsa cuti nayar jan uñt'iri tucüta —sasa.
Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.
Uqhamajja, qhititejj ch'amanïtapa amuyasejja, wal amuyt'aspan ucatarac tincuscaspan.