Josué 7:15 - Qullan Arunaca

Cawquïri jaketï juchani uñstcan ucasti ninampi phichhantatäniwa takpach familiapampi, uqhamarac take utjirinacapampi; Israel marcaru p'enkachayatap laycu, uqhamarac Diosampi arust'äwsa p'aquintatap laycu.

Aymar Bibliia 1986

Cawquïri jaketï juchani uñstcan ucasti ninampi phichhantatäniwa takpach familiapampi, uqhamarac take utjirinacapampi; Israel marcaru p'enkachayatap laycu, uqhamarac Diosampi arust'äwsa p'aquintatap laycu.

Qullan Arunaka DC

Khitin amparapantix uñstkani kunatix tukjatäñapäkän ukaxa, wila masinakapampi, taqpach yänakapampiw ninampi phichhantatäni, Israel markaru p'inqachayatapata, ukhamarak Tatitumpi arust'äwi jan phuqhatap layku.

Josué 7:15 Jak'a apnaqawi uñst'ayäwi

Génesis 34:7

Cunapachatejj Jacobon yokanacapajj pampat purinjjapjjän ucqhasti, cunatejj pascatayna uca yatisinsti, walipuniw colerasipjjäna, Siquem jaken uqhama Jacobon phuchapampi iquintatapajj sinti jach'a deshonränwa Israel marcataquejja. ¡Janipuniw uqham lurasiñapajj waquiscänti!

2 Samuel 13:13

¿Cawquiruraqui nayasti p'enkachjatasti saririststi? Jumasti Israel marcanjja mä jan chuyman jaket uñt'ataraquïsmawa. Uqhamajj reyimpi parlam, nayasti ucjja achict'asiracsmawa, jupasti nayan juman warmimäñajjataquejja janipuniw jan muncanitejja —sasaw Tamar tawakojj säna.

Josué 7:11

Israel marcajj jach'a juchaniwa; p'aquintapjjew nayan jumanacampi arust'atajj-jja. Cunanacatejj t'unjatäñapäcän ucanacjja jupanacajj lunthatasinipjjewa, k'epinacaparu imantat apasinisa, yatcasinsa jupanacajj jan walinac lurapjje.

Josué 7:16

Khepa urojj Josué chachajj wali alwat sartasïna, israelitanacarojj familia, familia, tam tama Dios nayräjjan uñstayäna. Ucatsti Diosajj Judá familiaruw amparapampi uñachayäna.

Jueces 20:10

Takpach tribunacatjja, sapa tunca jakenacatsti mayniwa, ejercitotaqui mank'aña thakapjjanejja. Ucatsti chicatajj sarañäniwa Gabaa marcanquirinacaru tucjiri uca jan walinac lurasina Israel marca taypina jiwayapjjatapata.

Jueces 20:5

Ucampis uca arumasti uca marcanquir jakenacajja korpachatäpcta uca utaruw muyuntanipjjäna nayaru jiwayañataqui, ucatsti uñt'atajjaru jan walinac lurasaw jiwayapjje.

Jueces 20:6

Ucatsti nayajj jiwat janchipjja jisc'a jisc'a qharinokasinjja take Israel marcpacharuw apayta uqhamata take israelitanacajja aca jan walinac lurasin jiwayatata yatipjjañapataqui.

1 Samuel 26:21

Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.