Josué 6:7 - Qullan Arunaca Jakenacarusti saraquïnwa: “Jumanacasti marca muytapjjäta, cawquïri jakenacatï nuwasipcan ucanacasti Diosan arcap nayrakataparac sarapjjpan” sasa. Aymar Bibliia 1986 Jakenacarusti saraquïnwa: “Jumanacasti marca muytapjjäta, cawquïri jakenacatï nuwasipcan ucanacasti Diosan arcap nayrakataparac sarapjjpan” sasa. Qullan Arunaka DC Jaqinakarusti sarakïnwa: “Jumanakax marka muytapxam. Nuwasir chachanakax Tatitun arcap nayräxap sarapxpan” sasa. |
Warminacamsa, wawanacamsa uqhamaraqui uywanacamsa Jordán jawirat accataru jaytasiwayapjjam, cawqharutï Moisesajj orake churapjjtam uca chekaru, cawquïri jakenacatï ch'amanïpjjta nuwasir sarañataqui ucanacasti armanacam apjjarusisin sarjjarupjjam jilanacamaru yanapt'añataqui,
Mä pusi tunca waranka jakenacaw armantata Tatitu Diosan nayräjjapa pasapjjäna, nuwasiñataquisa janc'aquiraqui, Jericó marca tokeruw sarapjjaraquïna.
Jumanacasti israelit soldadonaca, sojjta uruwa, urun mä cuti, Jericó marca muytapjjäta.
Josué chachasti sacerdotenacaru jawsasinjja sänwa: “Jumanacasti Diosan arcap apapjjam, ucatsti pakallkonirac sarapjjam pututunac apt'ata Diosan arcap nayrakata.”
Takenis cunjämtï Josué chachajj siscäna uqhamwa lurapjjäna, pakallko sacerdotenacasti pututunacap phust'añ kalltapjjäna, Diosan arcap nayrakat sarasina.