Josué 6:18 - Qullan Arunaca Jumanacasti janiraquiw cunsa aptasipjjätati, ni cunsa llamct'apjjaraquïtati aca marcanjja, jan ucasti takew t'unjatäñapa Tatitur loktatäcaspas uqhama. Jumanacatï jan uqham lurapcäta ucqhajj Diosan maldicionapaw aca Israel marcaru jutani. Aymar Bibliia 1986 Jumanacasti janiraquiw cunsa aptasipjjätati, ni cunsa llamct'apjjaraquïtati aca marcanjja, jan ucasti takew t'unjatäñapa Tatitur loktatäcaspas uqhama. Jumanacatï jan uqham lurapcäta ucqhajj Diosan maldicionapaw aca Israel marcaru jutani. Qullan Arunaka DC Jumanakasti janiw markan utjir yänakapat kunsa aptasipxätati, janirakiw llamkt'apxätasa, jan ukasti taqiw t'unjatäñapa Tatitur luqtatäkaspas ukhama. Jumanakatix ukham lurapxäta ukkhaxa, Israelan campamentoparux jan walt'añaruw puriyapxäta. |
Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.
Nuwasiña armanacata sipana, yatiñ cancañaw asquejja. Mä sapa pantjasïwiquiw, jach'a tucjasïwir puriyi.
—Uqhamajj kotaru jakontapjjeta, ucatwa mathapinacajj t'acurjjani, nayajj yatistwa juchanïtajja ucat aca jach'a thayajj jumanacjjaru juti —sasaw Jonasajj arsüna.
Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.
Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.
Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.
“Jan jumanacajj cunatejj t'unjañataqui uchatäqui ucanacjja aptasipjjamti, Diosasti janiraquiw ucapachajj jumanacataqui colerascaniti, ucampis Diosajj jumanacatwa qhuyapayasini waljaniru jiltayasaraqui, cunjämatejj jumanacan awquinacamaru arupampi arsuwaycän uqhama,
Cawquïritejj jumanacata jan k'omachata jicjjatasini aruma iquiscasina chhojjorasiñapat aywiyatap laycu, ucasti campamentotjja mistjjaniwa, janiraquiwa jornalpacha mantcaniti.
Ucatsti jan jumanacajj utanacamaru apasipjjamti cunatï maldicitäqui ucanacjja, jan uqhamata jumanacas t'unjatäpjjañamataqui. Take ucanacwa t'unjapjjäta ucatsti maldicitätwa uñt'apjjaraquïta.
Cuna Diosar arcañatejj k'omäqui chekapäcaraqui Dios Awqui nayrakatan ucajj acanacawa: Wajchanacaru, ijmanacaru, llaquitanacaru yanapt'aña, ucatsti janiraqui acapach k'añu lurañanacampejj k'añuchasiña ucawa.
Ucampis Israel marcajj janiw phokcänti cuntejj Diosajj siscatayna ucanacjja. Diosasti: “Janiw cunsa Jericó marcat aptasipjjätati” sänwa. Ucampis mä jakew utjäna Acán sat sutini, Judá tributa, jupasti Carmi sat jaken yokapänwa; Carmisti Zabdin wawaparaqui; Zabdisti Zaran wawaparaquïnwa. Aca jakesti Jericó marcatjja walja yänac jupatac apasinïna, cawquïrinactï Tatitojj take t'unjapjjät siscatayna ucanacatjja. Ucatwa Tatitojj Israel marcataqui wali colerasïna.
Sayt'asim ucatsti Israel marcaru tantacht'am: ‘Arumanthejj alwat chuymanacam k'omachasipjjam’ sasa. Naya Israel marcan Tatitu Diosapaw sista: ‘Oh, Israel marcajja, cawquïritejj k'ala t'unjatäñapäcän ucajj jumanac taypincasquiwa, janitï ucaru jumanac taypit ankaru jakonucupcät ucqhajj janiw uñisirinacamampejj nuwasiñ puedipcätati.’
Cawquïri jaketï juchani uñstcan ucasti ninampi phichhantatäniwa takpach familiapampi, uqhamarac take utjirinacapampi; Israel marcaru p'enkachayatap laycu, uqhamarac Diosampi arust'äwsa p'aquintatap laycu.
Josué chachajj Acanarojj sänwa: —¿Cunatarac jumasti aca jan walinac lurapjjestasti? Jichhasti aca urunjja Diosay jumaru mutuypan nanacar jucha apanitamata —sasa. Josué chachan uca arunac tucuyipanjja, take israelit jakenacaw kalampi c'upjasin Acán chacharojj jiwayapjjäna, takpach familiapamp chica, ucatsti ninampiw phichhantapjjäna.
Ucampisa Saúl reyimpi ejercitopampisti Agag reyirojj janiw jiwayapcänti, uqhamarac cawquïrinacatejj suma ovejanacäqui ucanacsa, suma vacanacsa, suma liq'i vaca kallunacsa, suma orko ovejanacsa janiw jiwarayapcänti, wali jila alani yänacsa janiraquiw t'unjapcänti, juc'a alani yänac t'unjapcchïn ucasa.