Ucampis janiw mäqui mistunipjjañamäquiti, janiw mäqui jalsunipjjañamäquiti, Israelan Tatit Diosapajja, jumanacarojj imasipcätamwa uca laycu.
Josué 4:11 - Qullan Arunaca Cunapachatejj take israelit jakenacajj jawir qhurcataru pasjjapjjän ucqhajj, sacerdotenacajj khepat pasjjapjjaraquïnwa, ucatsti jakenacan nayrakatapwa sarapjjäna. Aymar Bibliia 1986 Cunapachatejj take israelit jakenacajj jawir qhurcataru pasjjapjjän ucqhajj, sacerdotenacajj khepat pasjjapjjaraquïnwa, ucatsti jakenacan nayrakatapwa sarapjjäna. Qullan Arunaka DC ukatsti kunapachatix taqini jawir khurkatankxapxän ukkhaxa, sacerdotenakax Tatitun arcap apt'ataw makhatapxäna, ukatsti jaqinakan nayräxap sarapxäna. |
Ucampis janiw mäqui mistunipjjañamäquiti, janiw mäqui jalsunipjjañamäquiti, Israelan Tatit Diosapajja, jumanacarojj imasipcätamwa uca laycu.
Ucatsti jumanacajj Jordán jawir pasanisajja, Jericó marcaruw purinipjjtajja. Amorreonaca, ferezeonaca, cananeonaca, hititanaca, gergeseonaca, heveonaca, jebuseonaca ucanacajj Jericó marcan jaquirinacänwa, jupanacasti jumanacampiw nuwantasipjjäna, ucampis nayaw jumanacar ch'am churapjjsma atipjapjjañamataqui.
Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.
Jumasti Diosan arcap apirinacarojj aqham sätawa: ‘Cunapachatejj jawir lacaru puripjjät ucqhajj ucawjar sayt'asipjjam’ ” sasa.
Cawquïri sacerdotenacatï Diosan arcap apt'asita chica jawirancasipcän ucanacasti israelitanacajj Josué chachan parlataparjam phuchañapcamaw ucancapjjäna, cunjämtï Diosajj Moisesar ewjjcatayna uqhamar phokhayasa, ucatsti jakenacajj janc'aquiw jawir qhurcataru pasapjjäna.
Cunjämatejj Moisesajj Josué chacharojj sawaycatayna, uqhamaw Rubén, Gad, uqhamaraqui chicat Manasés tribunacatjja, guerran nuwasir jakenacajj armantata sarapjjaraquïna.
Cunapachatejj sacerdotenacajj Jordán jawirat mistunipjjäna, waña orakeru tact'apjjän ucqhajj jawiran umapasti waliw jaljjäna, jawiratsa purapar jilarasa.