Uca quipcaraquiw chicat Manasés triburus Moisesajj orakenac churäna kawkha wawapay utjchi uqhamarjama.
Josué 17:6 - Qullan Arunaca Manasés chachan imill wawanacapajj yokall wawanacjamaraquiw orakenac catokapjjäna. Ucatsti Galaad sat orakenacajj Manasés chachan maynïri wawanacapancänwa. Aymar Bibliia 1986 Manasés chachan imill wawanacapajj yokall wawanacjamaraquiw orakenac catokapjjäna. Ucatsti Galaad sat orakenacajj Manasés chachan maynïri wawanacapancänwa. Qullan Arunaka DC Manasés chachan imill wawanakapax, yuqall wawanakjamarakiw uraqinak katuqapxäna. Galaad uraqisti Manasés chachan maynïr wawanakapatakïnwa. |
Uca quipcaraquiw chicat Manasés triburus Moisesajj orakenac churäna kawkha wawapay utjchi uqhamarjama.
Manasés triburojj take Og reyin orakenacapäquis ucanacaw wact'äna uqhamaraqui takpach Basán sutini orakenaca, Mahanaim chekacama, uca sojjta tunca marcanacamppacha cawquïrinacatï Jair marcanccäna ucanacamppacha,
uqhamaraquiw Galaad orakesa chicatpacha churatäna, Astarot, Edrei sat marcamppacha. Take uca orakenacasti Maquir sat jaken chicat familiapataquïnwa, cawquïritï Manasés chachan wawapäcäna; kawkha wawanacapay utjchi uqhamarjama.
Uqhamatwa Manasés tribojj tuncawjan orakenac catokäna Galaad, uqhamaraqui Basán orakenacat sipansa, cawquïrinacatï Jordán jawir qhurcatancapqui ucanaca.
Manasés tribun orakenacapajj Aser sat chekata Micmetat chekacamänwa, cawquïritï Siquem marca uñcatasincqui ucanaca, ucatsti korpajj sarascaquïnwa aynacha tokerojj Tapúa sat uma jalsucama.
Maynïri chicat Manasés triburojj Moisesajj Basán chekanwa orakenac churjjatayna. Maynïri chicat Manasés triburojj Josué chachajj israelit jilanacapan orakenacap taypiruraquiw churäna, Jordán jawirat inti jalanta tokeru. Ucata Josué chachajj nayrïri tamarojja bendizjjäna, qhitanucjjaraquïna,