Josué 17:11 - Qullan Arunaca

Uqhamaraquiw Manasés tribusti marcanacapajj utjäna Isacar orakena, uqhamarac Aser orakensa, sapa mayni jisc'a marcanacampi cuna; uca marcanacan sutipajj acnïrinacänwa: Bet-seán, Ibleam, Dor, Endor, Taanac, Meguido ucanaca, uqhamaraqui quimsa jisc'a kollunacamp cuna.

Aymar Bibliia 1986

Uqhamaraquiw Manasés tribusti marcanacapajj utjäna Isacar orakena, uqhamarac Aser orakensa, sapa mayni jisc'a marcanacampi cuna; uca marcanacan sutipajj acnïrinacänwa: Bet-seán, Ibleam, Dor, Endor, Taanac, Meguido ucanaca, uqhamaraqui quimsa jisc'a kollunacamp cuna.

Qullan Arunaka DC

Uka ayllunakan uraqinakapan taypinxa walja markanaka jisk'a markanakamp kunaw utjarakïna, ukanakasti Manasés ayllunkirïnwa. Uka markanakasti: Bet-seán, Ibleam, Dor, Endor, Taanac, Meguido ukanakänwa. Dor markax quta iranankir markawa.

Josué 17:11 Jak'a apnaqawi uñst'ayäwi

2 Samuel 21:12

Davidasti sarasinjja Saúl reyina, uqhamaraqui Jonatán yokapampina jilt'a ch'aqhanacapwa aptanjjäna, cawquïrinacatejj Jabes de Galaad sisqui uca chekan utjiri jakenacan amparanacapanccän uca. Uca jakenacasti Saúl reyin amayapjja Bet-sán sisqui uca plazatwa lunthatawayapjjatayna, cunürutejj filisteonacajj Saúl reyirojj Gilboa chekan atipjasin warccatapcataynasa uca uru.

1 Reyes 9:15

Jichhasti acanacataquiw Salomón reyejj irnakapjjañanacapataqui wayt'ayäna; templo Tatitutaqui lurayasa, jupan palaciopa, Milo uca, Jerusalenan perkanacapa, uqhamarac Hazor, Meguido, Gezer uca marcanacatjja acanacaraquiw lurasïna:

2 Reyes 9:27

Judá marcanquiri Ocozías reyejj uqham uñjasinjja Bet-hagan tokeruwa jaltjjäna. Ucampis Jehú capitanajj arctasinjja sänwa: “¡Juparus jiwayapjjaraquiquim!” sasa. Ucatsti carrop pachparuwa usuchjapjjäna Gur sat alayana, Ibleam sat jac'ana, ucampis jupajj Meguido sat chekacama jaltjjasinwa ucan jiwjjäna.

1 Crónicas 6:70

Coatitanacat jilt'apqui uca familianacarojja churapjjänwa Aner, Bileam uca marcanaca, ucanacasti Manasés tribun chicatapanquirïnwa, awatiñ orakenacapamppacha.

1 Crónicas 7:29

Manasés chachat saraker wawanacapasti aca orakenacanwa jupanacajj jacapjjäna: Taanac, Meguido, uqhamarac Dor ucanacana, jisc'a marcanacapamppacha. Aca chekanacanwa Israel chachan José yokapat saraker wawanacapajj jacapjjäna.

2 Crónicas 35:22

Ucampis Josías reyejj janiw khepar jittcänti, jan ucasti jupampi nuwasiñjja munapunïnwa, Necao reyin arunacapar jan ist'asina, ucasti Dios pachpatwa jutascäna. Uqhamasti jupajj nuwasiaruwa mantäna Meguido sat vallena,

Salmos 83:10

camisatejj jupanacajj Endor chekawjan t'unjat uñjasipcäna, oraketaquis wanur tucupcän uqhama.

Jeremías 49:2

“Jichhajj waliquiwa, Naya Tatituw arsta: Amón orakenquiri Rabá marcan guerra toket ist'añap urojj purininiwa, mayjaru apthapit t'unjamaw tucuraquini, marcanacapansti ninaw naqharaquini. Ucapachaw Israelajj wasitat marcanacapa tumpasjjani. Naya Tatituw ucjja arsta.

Zacarías 12:11

Jerusalenanjja lurapjjaniwa mä jach'a llaquisïwi cunjämatejj Meguido orakena Hadad-rimon dios laycu llaquisïwi lurapquejja uqhama.

Josué 11:2

take cawquïri reyinacatï kollu tokenacan jacapcäna, Jordán vallen jaquirinaca, Cineret kota aynachanacan jaquirinaca, uqhamaraqui Dor pampanacan jaquirinaca, inti jalanta token jaquirinaca,

Josué 12:21

Taanac marcan reyipa, Meguido marcan reyipa;

Josué 12:23

Provincia Dor sat marcan reyipa, cawquïritï Dor satäcaraquïna, uqhamaraqui Goim sat marcan Gilgal orakena reyipa,

Josué 16:9

Uqhamaraquiw utjaraquïna mä kawkha marcanacasa, jisc'a marcanacasa Manasés tribun orakep taypina, ucanacasti Efraín triburuw wact'araquïna.

Josué 17:10

Uqhamaw Efraín tribun orakepajj uma jalsut aynach tokencänwa, ucatsti Manasés tribujj amsta tokencaraquïnwa, jach'a kotampi korpasisa. Ucatsti amsta tokerojj Aser tribumpiw korpasïna, inti jalsu tokerusti Isacar tribun orakenacapampiraqui.

Josué 17:16

Jupanacasti sapjjaraquïnwa: —Chekpachansa nanacataquejj aca tribun kollunacapajj wali pisiwa. Ucampis pampanacan jaquir cananeo jakenacan carronacapajj hierrot luratäpjjewa, quipca Bet-seán marcan jaquir jakenacjama, uqhamaraqui vallen jaquir Jezreel jakenacasa —sasa.

Jueces 1:27

Manasés sat tribunquirinacasti janiw ch'amanïpcänti jakonucuñataqui Bet-seán, Taanac, Dor, Ibleam, Meguido sat marcanacan jaquirinacarojja, ni uca jac'anacan jaquirinacarusa, uqhamïpansti cananeonacajj uca orakenacanjja jacasipcaquïnwa.

Jueces 5:19

“Ucampis reyinacajja jutapjjewa Taanac sat marcaru, Meguido sat marcan umanacap jac'aru. Cananeonquir reyinacasti jutapjjänwa amtata nuwasiñataqui, ucampis jupanacajja janiwa kollksa, ni cuna casta kamirïña yänacsa apasipcänti.

1 Samuel 28:7

Ucatwa jach'a jilïri oficialanacaparojj saraquïna: —Jiwatanacampi parliri mayni yatir ch'amacan warmi thaktapjjam, nayan sarañajjataqui ucatsti jisct'añajjataqui —sasa. Jilïri oficialanacapasti sapjjaraquïnwa: —Endor marcanwa mä yatir warmejj utji, jupasti jiwatanacampi parliriwa —sasa.

1 Samuel 31:10

Saúl reyin armanacapsti Astarté diosan temploparuw uchapjjaraquïna, amayapsti Bet-sán perkaruw warccatapjjaraquïna.

1 Samuel 31:12

jan cunsa ajjsariri take jakenacaw tantacht'asipjjäna, pakar aruma jutasinsti Bet-sán perkatjja Saúl reyin amayapa, uqhamarac yokanacapan amayanacapsa apakawayjjapjjataynawa, ucatsti Jabes marcaruw apasjjapjjäna, ucanwa naqhantayjjapjjaraquïna.