Josué 13:25 - Qullan Arunaca Jupanacarusti wact'änwa Jazer orakenaca, take Galaad oraken marcanacapa, uqhamaraqui amonitanacan chicat orakepasa, Aroer sat chekacama, cawquïritï Rabá sutini uñcatasincqui ucanaca. Aymar Bibliia 1986 Jupanacarusti wact'änwa Jazer orakenaca, take Galaad oraken marcanacapa, uqhamaraqui amonitanacan chicat orakepasa, Aroer sat chekacama, cawquïritï Rabá sutini uñcatasincqui ucanaca. Qullan Arunaka DC Jupanakarusti Jazer marka, Galaad uraqinkir taqi markanakamppacha, amonitanakan chikat uraqipamppachaw wakt'äna, Aroer sat chiqakama, ukax Rabá marka uñkatasinkiwa, |
Mä cutisti, cunapachatejj reyinacajj nuwasiri mistupjjerïna ucapachaw Davidajj Joab jach'a jilïriru uqhamaraqui oficialanacampiru qhitäna, take ejercitompi, ucatsti amonitanacarojj tucjapjjänwa, uqhamarac Rabá marcarus muyuntapjjaraquïnwa. Ucampis Davidajj Jerusalenaruw khepararaquïna.
Uccañcamasti Joab chachajj amonitanacan Rabá marcaparuw soldadonacapampi nuwantascaraquïna, uca reyin marcapsti niya catuntirjamäscaraquïnwa.
Jordán jawira maqhatawayapjjäna, Aroer marcatwa kalltapjjäna, cawquïri marcatejj valle taypina jicjjatascän ucata, Gad uqhamaraqui Jazer sisqui ucsaru sarañanquiwa.
Davidajj pusi tunca mara reyicäna ucqhawa Hebrón chachat jutir wawanacapan familianacapajj kellkatäpcäna ucanacan uñjapjjäna. Ucatsti jupanac taypinjja jicjjatasïnwa wali ch'amani mä chacharu Jazer de Galaad sisqui uca chekana. Hebrón chachat jutir wawanacapan jilïripajja Jerías chacha.
Hesbón, uqhamaraqui Sibma sisqui uca chekan utjir uva yapunacas k'ala ancuntatawa, marcanacan jilïrinacapaw ucanacjja k'al tucjawayi. Layminacapasti Jazer chekcamaw puripjjänjja, wasarcamaraquiw puripjjänjja, jach'a kotat qhursarus purisipcaquïnwa.
wiñayatac apanucutaw uñjasini, pastonacaquiraquiw ucanjja jiljjani; uywanacasti ucanwa c'uchiqui pasto mank'arapjjaraquini.
Sibma chekanquiri uva yapu, jumatjja jacharaquïwa, Jazer marcat jachatäcäna ucat sipansa juc'ampwa jacharaquëjja. Layminacamajj jach'a kotat juc'ampi qhursanacaruw purïnjja, Jazer marcacamaw puriraquïnjja. Ucampisa jichhajj uva cosechañamasa k'ala t'unjataraquiwa.
Cawqui thaquinjamtejj reyejj espadapampi pascani uca thacwa lurañamaraqui. Uca marcanacasti acanacawa: Rabá marca, ucasti amonitanacan orakepanquiwa, ucjjarusti Jerusalén marca, cawquïritejj Judá orakenjja suma perkanacampi perkantatäqui uca.
Ucatwa ninampi phichcatäjja Rabá marcan uyunacapjja, uca ninasti k'alwa palacionacapsa, guerran arnakasitanacapampi naqhantani mä thaya uruna.
Uca pachparaquiw Moisesajj mä kawkha jakenacar qhitäna Jazer marca uñakeri, ucatsti israelitanacajj yakha marcanacampwa catuntapjjäna, uqhamarac uca marcanacan jaquir amorreonacarus jakonucupjjänwa,
Ucampis, cunapachatï amonita jakenacampi jiquisïta, cawquïritï Lot chachan wawanacapäcaraqui ucqhajj, jan jumanacajj cunsa lurapjjamti ni nuwantapjjamsa, janiraquiwa uca oraketjja cunsa churapcämati, nayaw jupanacar uca orakjja churjjta’ sasa.
(Og sat reyiquiraquiw refaítas sat jach'a tansa jakenacatjja kheparjjäna. Iquiñapasti hierrot luratänwa; largorojj pusi metro anchorusti pä metroraqui, cunjämatï ucajj jichhacama amonitanacan Rabá sat marcapancasqui.)
Uqhamaraquiw jupanacarojj Galaad sat orakenacas wact'äna, gesureos sutini orakenaca, maacateos sat orakenaca Hermón sat kollumppacha, take Basán orakenacamppacha Salca chekacama,
Uca quipcaraquiw Moisesajj Gad sutini triburojj orakenaca churäna cawqha wawanacapay utjchi uqhamarjama.
Uqhamaraqui Hesbón chekatpacha Ramat-mizpa, Betonim chekacama, ucatsti Mahanaim chekata Debir korpacama.
Uqhamaraqui, Hezbón, Jazer sat marcanacampi, takpachasti pusi marcanaca, sapa maynis uywa awatisiñ orakempi cuna.
“Galaad satasti Jordán jawirat mayscataruw kheparjje, Dan satajja barconacampi chicaraquiw kheparjjaraqui, Aser satasti jawir thiyaruraquiw kheparjjaraqui, uca chekatsti janiw cawcsarusa onjjtcjjeti.