Josué 11:23 - Qullan Arunaca Uqhamaw Josué chachajj takpach orakenaca catuntänjja, cunjämtï Diosajj Moisesaru siscatayna uqhama, ucatsti tunca payan Israelan tribunacaparuw uca orakenac herenciat laquintäna, ucat acsarusti samarañaw uca orakenacanjja utj-jjäna. Aymar Bibliia 1986 Uqhamaw Josué chachajj takpach orakenaca catuntänjja, cunjämtï Diosajj Moisesaru siscatayna uqhama, ucatsti tunca payan Israelan tribunacaparuw uca orakenac herenciat laquintäna, ucat acsarusti samarañaw uca orakenacanjja utj-jjäna. Qullan Arunaka DC Ukhamaw Josué chachax taqi uka uraqinak katuntäna, kunjämtix Tatitux Moisesar siskatayna ukhamarjama. Ukatsti Israelan tunka payan ayllunakaparuw uka uraqinak jupanakan tutipäñapatak lakintäna. Uka qhipatsti samarañaw uka uraqinakan utjxäna. |
Uqhamarac jupanacajj Canaán oraker mantasinjja catuntasipjjänwa orakenaca. Jupanacan nayrakatapanjja uca oraken jaquir jakenacarojja jisc'aruwa tucuyaractajja, uqhamarac reyinacaparusa, ucatjja amparanacaparusa catuyaractawa uca orakenquir jakenaca, jupanacampi cuntejj munapqui uqhamar lurapjjañapataqui.
aca orak tucuscamaw nuwasiñ t'acurayi; arconac jisc'a jisc'a p'aquinoke, lanzanac t'unari, nuwasiñ carronacsa ninampiw phichhantaraqui.
“Jumasti phokham cuntejj nayajj jichhüru siscsma uqhamarjama. Nayasti jumanacan nayrakatamatjja alisnucüwa amorreonacaru, cananeonacaru, heteonacaru, ferezeonacaru, heveonacaru, uqhamarac jebuseonacarusa.
Uca orakesti qhititejj Israel marca apnakerïcani ucataquïniwa; uqhamatwa marcajjarojj jani t'akhesiyapjjañapataqui, jan ucasti pachpa israelita jakenacaruw orakenacapjja churjjaraquini sapa maynisa tribunacaparjama.
Juma lantisti Josué yanapirimaw mantani, cawquïritï Nun chachan yokapäqui uca. Jichhasti jumajj juparojj ch'amañcht'am, jupaw uca orakenac Israel marcarojj churjjani, uca laycu.
Uqhamasti Tatitu Diosamajj take uñisirinacamat khespiyätam, uca uñisirinacamasti cawquïri oraktï churcätam ucan muyuntatawa; jumanacasti Amalec jakenacjja aca oraketjja k'alwa chhaktayapjjäta, uqhamat jan qhitis jupanacat amtasiñapataqui. ¡Uca phokhañsti jan armasipjjamti!
Josué chachasti israelitanacampejj aca reyinacaruw atipjäna Jordán jawirat inti jalanta tokenjja, Baal-gad sat chekatpacha, Líbano valletpacha, Halac sat kollucama cawquïri kollunacatï Seir sat chekacam purqui ucqhacama. Josué chachasti uca orakenacjja tunca payan Israel tribunacaruw laquintäna wiñayatac jupanacancañapataqui.
Ucatsti Josué chachajj Dios nayrakatan uca orakenacjja israelit jakenacar suertetcam churäna Silo sutini chekana.
Diosajj arunacapjja phokhewa, uqhamaraquiwa jilanacamas samaraña jicjjatapjjaraqui. Jichhajj cutjjapjjam utanacamaru, orakenacamarusa, cawquïrtï Diosan sirviripa Moisesajj churapjjtam Jordán jawirat inti jalsu tokeru.
Walja maranacaw pasjjäna cunapachatï Diosajj Israel marcaru uñisirinacapat samaraña churäna ucatjja, Josué chachasti niya chuymanëjjaraquïnwa.