Josué 11:12 - Qullan Arunaca Uca pachparacwa maynïri suma arust'äwir mantir marcanacarojj luräna, reyinacapar jiwarayasa uqhamaraqui take cunatï utjcän ucanac t'unjasa, cunjämatï Tatitun sirviripa Moisesajj siscäna uqhamar phokhasa. Aymar Bibliia 1986 Uca pachparacwa maynïri suma arust'äwir mantir marcanacarojj luräna, reyinacapar jiwarayasa uqhamaraqui take cunatï utjcän ucanac t'unjasa, cunjämatï Tatitun sirviripa Moisesajj siscäna uqhamar phokhasa. Qullan Arunaka DC Uka pachparaki kawkïr markanakatix uka arust'äwiru mantañataki jaysapkatayna uka markanakarux luräna: markanakar katuntasax reyinakaparuw jiwarayäna, ukatsti q'alpun tukjäna, kunjämatix Tatitun luqtiripa Moisesax siskatayna ukhamarjama. |
Cunapachatejj Tatitu Diosamajj uca marcanac amparanacamaru catuyapjjätam, uqhamaraqui atipjapjjät ucqhajj janiw jumanacajj cunsa jumanacatac catusipjjätati, jan ucasti take yänac t'unjapjjäta, janiraquiw cuna suma arust'äwirus jupanacampi mantapjjätati ni jupanacat qhuyapayasipjjätasa.
“Jichhasti jumanacajj yatipjjañamawa, Tatitu Diosamaw jumanacan nayram sarasqui, ucatsti mä ninaru uñtataraquiw akantani, jumanac nayräjjana, t'unjaraquini, jisc'achjaraquini take uca marcanacarojja. Jumanacasti uca marcanacarojj mä nayra ch'ipjjtanacwa t'unjapjjäta, cunjämatï Tatitu Diosajj arupampi arsuwayqui uqhama.
Cunapachatejj Josué chachajj uqhamaraqui Israel marcasa k'al amorreo marcar t'unjapjjäna waljaniru jiwarayasina ucqhajj cawquïri amorreo jakenacatï jacasipcän ucanacajj marcanacaparuw imantasipjjäna.
Uca quipca uruw Josué chachajj Maceda marcar mantasina t'unjäna, marcan jakenacaparu espadampi jiwarayasa, Diosarus sacrificio loktcaspa uqhama, jan mayniru khespiyasa. Maceda marcan reyiparojj cunjämtï Jericó marcan reyiparojj lurcäna uca quipcaracwa luraraquïna.
Tatitusti uca marcjja jupanacarojj catuyaraquiquïnwa take cunanacatï utjcän ucanacamppacha, janiraquiw qhitisa ni cunasa khespiyata kheparcjjänti, Libna sat marcan reyiparojj Jericó marcan reyiparjamaraquiquiw luräna.
Pä uru pasipanjja, Tatitojj Laquis marcjja jupanacaruw catuyäna, ucanjja israelit jakenacajj espadampi take jakeruw jiwarayapjjäna uqhamaraqui takpach uywanacaparusa.
Uca quipca ururaquiw k'ala uca Eglón marcan jaquir jakenacarojj espadampi jiwarayapjjäna, janiraquiw maynis khespcänti.
Cunapachatejj israelitanacajj uca marcar mantapjjän ucqhajj, reyiparusa, take jakenacarusa, take uywanacarusa jiwarayapjjänwa, uqhamaraquiw cawquïri marcanacatï uca jac'anacan utjapcän ucanacarusa janiw perdonapcänti; cunjämtï Eglón marcarojj lurapjjänjja uqhamaraquiqui uca marcanacarojj lurapjjäna.
Ucampis janiraquiw israelitanacajj cawquïri marcanacatï kollu tokenacancapcän uca marcanacarojj ninampi phichhantapcänti, jan ucasti Hazor sat marcaruquiw ninampi phichhantapjjänjja.
Diosajj cuntï Moisesaru siscäna ucanacjja Moisesajj Josué chacharuraquiw säna; Josué chachajj israelitanacarojj uca arsüwinacjja phokhayänwa, janiw cunsa uqhamac pasaycänti.
Naya Diosaw Israel marcan nayräjjapata uca sidonios sat jakenacar ananucuscä, uqhamaraqui kollu tokenacan jaquir jakenacarusa, Líbano oraketa Misrefot-maim orakcama. Jumasti jichhajj Israel marcaru uca orakenac churañaru, uchasim, cunjämtï nayajj siscsma uqhamar phokhasa.
Tatitojj Israel marcarojj samaraña apanïna, uqhamaraqui arsutapsa phokharaquïnwa. Janiraquiw cawquïri uñisirinacapas jupanac nayräjjan ch'amanïcänti; Diosaraquiw ucanacarojj atipjäna.
cunjämatï Moisesajj israelitanacar siscäna, uqhamaraqui pachpa Moisesan libropansa kellkatäqui: “Janiw nayan altarajjajj cunampi luratäcaspasa, jan ucasti kalanacat lurataquïniwa” sasa. Ucatsti israelitanacajj uca altarjjarojj uywanac jiwayasinwa sacrificionac Diosaru loktapjjäna, uqhamaraqui Diosampi wastat sumancthapipjjäna.
Cunapachatï jumanacajj marcaru t'unjapjjäta, ucqhajj ninampiw phichhantapjjäta, cunjämatejj Diosajj sapjjtam uqhama. Nayaw aca arunac sapjjsma” sasa.
Gabaonanquir jakenacajj Josué chacharojj sapjjänwa: —Nanacasti ucjja lurapjjtwa jumar ajjsarasina, juman jan nanacaru jiwayañamataqui. Nanacasti yatipjjtwa cuntejj jumanacan Diosamajj Moisesarojj sawaycatayna ucjja: ‘Take aca marcanac jumanacar catuyapjjäma ucatsti jumanacajj takpach t'unjapjjäta’ sasa.