Josué 10:25 - Qullan Arunaca Ucatsti Josué chachajj sänwa: “Jan jumanacajj ajjsarapjjamti ni sustjasipjjaraquimsa, jan ucasti wali ch'amani sayt'asipjjam, Diosasti aca quipca luraraquini jumanacan uñisirinacamampejja” sasa. Aymar Bibliia 1986 Ucatsti Josué chachajj sänwa: “Jan jumanacajj ajjsarapjjamti ni sustjasipjjaraquimsa, jan ucasti wali ch'amani sayt'asipjjam, Diosasti aca quipca luraraquini jumanacan uñisirinacamampejja” sasa. Qullan Arunaka DC ukatsti Josué chachax jupanakarux sänwa: “Jan axsarapxamti, janirak ch'amsa jiwt'ayasipxamti; jan ukasti wali ch'aman sayt'asipxam, Tatitusti jumanakan taqi uñisirinakamarux uka kipka lurarakini” sasa. |
Take acanacansti atipirinacat sipansa juc'ampïtanwa jiwasar munquistus ucan yanapapampi.
Diosaw khespiyapjjetu, jichhas khespiyasipcaquituwa uca jach'a jiwañatjja. Juparu catuyasisaquiw suyt'asipcaracta, jichhas yanapasipcaquitaniwa,
Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.
Amuyt'asjjapjjaraquim cawquïri jach'a yant'anactï jumanacpacha uñjapcta ucanacata, uqhamaraqui uca unanchanacata, jach'a milagronacata, ucatsti cunja jach'a ch'amampisa Tatitu Diosajj Egipto marcat irpsunipjjtam ucanacata. Uca quipcaraquiwa Tatitu Diosajj lurani cawquïri marcanacarutï jumanacajj ajjsarapcta ucanacarojja.
Jumasti wali ch'amani sayt'asim janirac ajjsaramti. Aca marcaru orak laquiñajj jumaruw wact'tam; ucasti nayajj: ‘Herencia churä’ siscäyata awquinacaparu ucawa.
Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.
Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.
Tatitojj nayarojj leonan amparapatsa, uqhamarac oson amparapatsa khespiyituwa. Aca filisteo chachan amparapatsti khespiyaraquiquitaniwa. “Ucat Saúl reyejj saraquïna: —Uqhamajj saramaya, Tatitusti juma chicaraquïpan —sasa.