Jeremías 9:8 - Qullan Arunaca

Lajjranacapasti venenoni flechanacjamäpjjewa; c'arinacaraqui parlasipqui. Amigonacaparojj wali suma aruntt'apjje, ucampisa sipitanacacwa khanpachajja uchasipqui.

Aymar Bibliia 1986

Lajjranacapasti venenoni flechanacjamäpjjewa; c'arinacaraqui parlasipqui. Amigonacaparojj wali suma aruntt'apjje, ucampisa sipitanacacwa khanpachajja uchasipqui.

Qullan Arunaka DC

8 (7) Laxranakapax jiwayir mich'inakjamawa; parlatanakapasti k'arikamakiwa. Jila masinakaparux wali sum aruntt'apxi, ukampis qhanpachax sipitanakak jupanakatak uchasipki.

Jeremías 9:8 Jak'a apnaqawi uñst'ayäwi

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

Salmos 12:2

Maynit maynicamaw c'arintasipjje, sallka chuymampiw parlapjje, ch'ojjña chuymampiw arsupjjaraqui.

Salmos 12:3

Tatitojjay, c'ari parlir lajjranac saphitpach jiq'inucum, jach'achasir jakenacarus, ch'ojjña jakenacarus jiq'inucum,

Salmos 120:3

C'ari lajjran jake, ¿cunarac catokätasti?

Salmos 28:3

Janiquiy khoru jakenacamp chicajj apistati, janirac ñankha luririnacampis chicachasiyistati, laka chuymaquiw jake masipamp sumanquirejj tucupjje, chuymapasti ñankhan phokhantatawa.

Salmos 35:20

janiw jupanacajj suman jacasiñ thakapquiti, jupanacajj sallkantañanac amtasipqui; suman jacasir jakenac contraw sayt'apjje,

Salmos 55:21

Arunacapajj liq'it sipan juc'amp koñawa, amuyunacapasti nuwasiñ amuyunacawa, arsutanacapajj aceitet sipan juc'amp koñawa, ucanacasti ari espadanacar uñtatawa.

Salmos 57:4

Oraken jaknokataw uñjasta, jake mank'an leonanac taypinjam jicjjatasta; laca ch'aqhanacapajj lanzanacjam, mich'inacjamawa, lajjrapajj ari espadar uñtataraquiwa.

Salmos 62:5

Nayajj Dios sapanac samarañ jicjjatta, suyt'añajjajj jupat juti.

Salmos 64:8

pachpa arunacapaw aynacht'añarojj puriyani, jupanacar uñjirinacasti larusipjjaniwa.

Proverbios 25:18

Qhititejj amigop contra parlqui ucan c'ari arunacapajja, c'uphañar uñtata, espadar uñtata, wali arini flechjamaraquiwa.

Jeremías 5:26

Marcajjansti ñankha jakenacaw utji, jupanacasti jamach'inac jiwayirinacjamaw suyjjatasipqui, mayninacaru catuntañataquisti sipitanac uscusipcaraqui.

Jeremías 5:9

¿Uca luratanacapatsti janit mutuycästi? ¿Uqham sarnaker jakenacarojj janit juchap uñt'asiycäjja?

Jeremías 9:3

C'arisiñataquisti janc'aquïpjjewa, flechanacsa mä arcompi antutt'apcaspa uqhama. Aca marcansti c'arisiñaquiw phokt'atäsqui, janiw chekapajj utjquiti; jan walit juc'ampi jan waliruquiw sarjjapjje, ucatsti pachpa Tatituw arsuraqui: “Janiw nayarojj uñt'añ munapquituti” sasa.

Jeremías 9:4

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

Jeremías 9:5

Sapa mayniw maynitsa larusiraqui, janiw qhitis chekapa parlirejj utjquiti. Takenis c'arisiñaru yatintatcamaquiwa; ñankhacamaquïpjjewa,

Miqueas 6:12

Aca marcanquir kamiri jakenacajj takenis jaker t'akhesiyircamaquiwa; c'arinaca, sallkjirinaccamaquïpjjewa takenisa.