Jeremías 9:24 - Qullan Arunaca

Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Aymar Bibliia 1986

Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Qullan Arunaka DC

24 (23) Maynitix jach'a jach'a tukuñ munchixa, nayar uñt'atapat jach'a jach'a tukpan, nayan Tatitütax yatitapata, aka uraqin munasiñampi, askimpi, chiqampi lurataxata, ukham luräwix wal kusisiyitu. Naya, Tatituw uk arsta.”

Jeremías 9:24 Jak'a apnaqawi uñst'ayäwi

Salmos 20:7

Yakhepanacajj nuwasiñ carronacaruw alcatapjje, yakhanacasti walja caballonacaruw chuym uchapjje; jiwasanacasti Tatit Diosasaruw art'asipjjtan.

Salmos 34:2

Ajayojjajj Tatituncasaw cusisi: llamp'u chuymaninacajj ist'apjjpan, cusisipjjaracpan;

Salmos 34:3

Tatitun jach'a cancañap takpachan jach'añchapjjañäni, sutip jach'ar aptapjjañäni.

Salmos 44:8

Diosay, wiñayaw jumat jach'añchasipjjä, sutimarusti wiñayaw yupaychapjjaraquï.

Salmos 44:9

Jichhajj juman apanucutaw uñjasipjjta, p'enk tucuyapjjaraquista. Janiw nuwasir tamajjamp chicajj mistcjjtati.

Salmos 51:1

Diosajjay, munasiñam laycuy qhuyapt'ayasita, qhuyapayasirïtam laycuy juchanacajjat pampachita.

Salmos 91:14

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Salmos 99:4

Jumajj ch'aman reyïtawa; asqui cancañar munasirïtawa; jumaw chekap sarnakañ uñstaytajja. Jumaw Jacobon wawanacaparojj sum uñjtajja, chekaparuw tariptajja, chekaparuw t'akaractajja.

Isaías 20:5

Jakejj uca urojj wal ajjsarani. Jupanacasti Etiopiaruw wal alcatapjjänjja, jichhasti jupatjja p'enkasipjjaraquiniwa; Egiptotsti jach'a jach'araquiw tucupjjänjja, jichhasti p'enkasipjjaraquiwa.

Isaías 41:16

Qhuyuraraquïtawa, ucatsti thayaw apasjjaraquini, tutuca thayaraquiw willitatjjani. Ucapachaw jumajj Tatitun cusisïta, Israelan Kollan Diosapatsti cusisiraquïtawa.

Isaías 45:25

Nayïpanwa, take Israel marcajj atipjani, nayancatapatsti wali cusisiraquini.”

Isaías 61:8

“Tatitusti cunatejj chekapäqui ucwa muni, lunthatasiñampiru jake jiwayañampirusti uñisiraquiwa. Jupaw jumanacarojj cunatejj churañäqui ucjja take chuyma churapjjätam, mä wiñay arust'äwi jupanacampejj luraraquini.

Jeremías 22:16

T'akhesiyatanacarusa, pobrenacarusa arjjataraquïnwa, jupanacarus chekaparuw uñjänjja, ucatwa jupajj sum sarnakänjja. Uqham lurañampiw nayar uñt'aña satajja. Naya Tatituw ucjja arsta.

Jeremías 4:2

sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Lucas 10:22

“Awquejjajj take cunwa nayarojj catuyjjetu. Janiw qhitisa yatquiti Yokan qhitïtapsa, jan ucasti Awquiquiw yati, uqhamarac qhitinacarutï Yokajj uñt'ayañ munqui ucanacaraqui.”

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Romanos 5:11

Janiw ucaquïcaraquiti jan ucasti Diosancjjasinjja cusisiractanwa Jesucristo toke, Tatit Jesucristos tokew Diosampejj sumancthapitäjjtanjja.

1 Corintios 1:31

Ucatpï Diosan arupajj sejja: “Qhititejj jach'achasiñ munqui ucajja, Tatitut jach'a tucpan” sasajja.

2 Corintios 10:17

Maynitejj jach'a jach'a tucuñ munchi ucajja, Cristot jach'achaspan.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

Gálatas 6:14

Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa.

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.