Jeremías 6:10 - Qullan Arunaca

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Aymar Bibliia 1986

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Qullan Arunaka DC

Nayasti saraktwa: “¿Khitirak ist'itani aka yatiyäwixarusti? Tatay, jinchunakapax llupantatawa, janiw ist'irjamäpkiti; arunakamatsti larusipxiwa, janiw arunakam munapkiti.

Jeremías 6:10 Jak'a apnaqawi uñst'ayäwi

Salmos 1:2

jan ucasti, jupan cusisiñapajj Tatitun arupawa, uca arupatsti arumay uruw lup'i.

Salmos 119:16

Camächit arunacamampiw cusisï, janipuniw arunacamat armascäti.

Salmos 119:174

Tatay, nayar khespiyañam munta; cusisiñajjajj munañam phokhañawa.

Salmos 119:24

Arunacamajj nayan cusisiñajjawa, arsutanacamajj nayan amuyt'ayirejjawa.

Salmos 119:35

Arsutanacaman thaquipanay irpita, ucanquiw nayan cusisiñajjajja.

Salmos 119:70

Jupanacan amuyt'anacapajj ch'amact'atawa, nayasti yatichäwimampiw cusista.

Salmos 119:77

Qhuyapayasiñam uñacht'ayita, jacañ churaraquita, cusisiñajjasti munañam phokhañäniwa.

Salmos 40:8

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

Éxodo 6:12

Ucampis Moisesajj Tatiturojj saraquïnwa: —Janiw israelitanacas ist'apquituti, ¿cunjämaraqui faraonasti ist'itani? Nayasti janiw suma parlirïcti —sasa.

Isaías 42:20

Walja yänacwa uñjejja, ucampis janiw cuns amuyquiti; ist'ascaspawa, ucampis janiw cunsa ist'quiti.

Isaías 53:1

¿Qhitirac ist'atasarusti iyawsani? ¿Qhitirurac Tatitusti ch'amapjja uñacht'ayataynasti?

Jeremías 35:13

“Naya Israelan Diosapa, take ch'amani Tatituw arsta. Jumarusti saracsmawa, jichhajj Judá orakenquiri uqhamaraqui Jerusalén marcanquiri jakenacan ucaru saram, ucatsti jupanacarojj saraquim: ‘Yatekapjjam aca yatichäwi, ucatsti arunacajjaru ist'apjjaraquita. Naya Tatituw arsta.

Jeremías 4:4

Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Jeremías 5:21

‘Aca arunac ist'am, jan amuyt'an marca, nayranïsquiwa, ucampis janiw uñjquiti, jinchunïscaraqui, ucampis janiw ist'quiti.

Jeremías 7:13

Nayasti mayampi mayampwa jumanacarojj ñankha luratanacamatjja ewjjapjjsma, ucampisa jumanacajj janiw nayarojj ist'apquistati, ni jaysapcaraquistasa. Naya Tatituw acjja arsta.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Jeremías 9:26

Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”

Ezequiel 3:7

Ucampisa Israel marcajj janiw ist'cätamti, jan nayaru ist'añ munapjjatapata. Take Israel marcajj c'ullu, uqhamaraqui jan amuyt'asirïpjjewa.

Ezequiel 33:3

Ucatsti cunapachatejj uca uñch'uquirejj uñisirinacaru jutantasquiri uñji ucapachasti trompetapwa toct'i uqhamat marcanquiri jakenacajj amuyasipjjañapataqui.

Ezequiel 33:9

Ucampisa jumatejj uca ñankha jucharar jakerojj amuyt'asiñapataqui parläta, uca khoru jacañapsa apanucuñapataqui, ucampisa jupajj janirac ist'caniti, ucapachasti jupajj juchap laycuw jiwascani, jumasti jacañamjja khespiyasiraquïtawa.”

Amós 7:10

Betel marcan Amasías sacerdotepajja, Israel marcan Jeroboam reyipar yatiyiriw qhiti: “Amós chachajj Israel jakenac taypinwa sarnake juma contra amtayasa. Marcasti janiw juc'amp uqham parlaycaquispati.

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Lucas 11:45

Ucat ley yatichirit mayniw jupar saraqui: —Yatichiri, ac sasajj nanacamppacharuw jan wal sapjjestajja —sasa.

Lucas 20:19

Sacerdotenacan jilïrinacapampi, ley yatichirinacampejja ucspachaw Jesusarojj catuntañ munapjjäna. Jupanacasti amuyasipjjänwa uca uñtasïwejj jupanacataquïtapa, ucampis jakeruw ajjsarapjjäna.

Juan 7:7

Acapachanquirinacajj janiw jumanacarojj uñisipquiristamti, ucampis nayarojj uñisipjjetuwa, nayan jupanacaru jan wali luratanacap khanañchatajj laycu.

Juan 9:40

Jupampïcän uca mayni fariseonacajja, uc ist'asinjja jisct'apjjänwa: —¿Nanacasti juyqhüpjjaractti? —sasa.

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Hechos 7:60

Quillt'asisinsti, jach'at art'äna: “¡Tata, jan aca jucha luratatjja jupanacar juchañchamti”! sasa. Uqham arsusinwa jiwawayjjäna.

Romanos 7:22

Chuymajj mankhenjja Diosan leyiparu wal munta,

Deuteronomio 29:4

Ucampis Tatitu Diosajj jichhacamaw jan yatiñ cancañjja churapctamti ni take ucanacan cunat uqham lurasitapsa.

Colosenses 1:28

Nanacajj Cristo Tatitjjatwa parlapjjtjja. Takeniruraquiw ewjjt'apjjta yatichapjjaracta sum amuyt'apjjañapataqui, uqhamata takenis suma jiltatäñapataqui Tatitumpi mayaquïñapanjja.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.